سیالکوٹ(باغی ٹی وی بیوروچیف شاہد ریاض کی رپورٹ)تنخواہیں نہ ملنے پر ہسپتال کے ملازمین سڑکوں پر، فاقوں کی نوبت آ گئی، کیا حکومت سنےگی ان کی آواز؟
سیالکوٹ میں گورنمنٹ علامہ اقبال میموریل ٹیچنگ ہسپتال میں 2022 میں بھرتی ہونے والے 500 سے زائد ایم ٹی آئی ورکرز، بشمول اسسٹنٹ پروفیسرز، ینگ ڈاکٹرز اور پیرا میڈیکل اسٹاف نے اپنے مطالبات کے حق میں احتجاجی مظاہرہ کیا ہے۔ مظاہرین کا کہنا ہے کہ ان کے کنٹریکٹ میں توسیع نہ ہونے کی وجہ سے وہ شدید مشکلات کا سامنا کر رہے ہیں۔
مظاہرین کے مطابق دو ماہ سے ان کی تنخواہیں بند ہیں جس کی وجہ سے ان کے گھروں میں فاقوں کی نوبت آ پہنچی ہے۔ انہوں نے حکومت سے مطالبہ کیا ہے کہ فوری طور پر ان کے کنٹریکٹ میں توسیع کی جائے اور انہیں مستقل کیا جائے۔ مظاہرین نے ہاتھوں میں پلے کارڈز اٹھا رکھے تھے جن پر مختلف نعرے درج تھے۔
مظاہرین کا کہنا ہے کہ اگر ان کے مطالبات پورے نہیں کیے گئے تو وہ احتجاج کا دائرہ کار مزید وسیع کریں گے۔
