سیالکوٹ(باغی ٹی وی ،ڈسٹرکٹ رپورٹر مدثر رتو)سیالکوٹ میں باغی ٹی وی کی ٹیم میں نئے نمائندوں کی شمولیت کے ساتھ مثبت اور ذمہ دار صحافت کے ایک نئے دور کا آغاز ہو گیا۔ ڈسٹرکٹ رپورٹر مدثر رتو نے سٹی رپورٹر محمد جمال اور نامہ نگار محمد طلحہ کو خوش آمدید کہا اور انہیں باغی ٹی وی کا لوگو پیش کرتے ہوئے دلی مبارکباد دی۔
اس موقع پر مدثر رتو نے کہا کہ باغی ٹی وی نے ہمیشہ سچائی، عوامی مسائل اور مثبت صحافت کو اپنی ترجیح بنایا ہے، اور اب نئی ٹیم کے ساتھ یہ عزم مزید مضبوط ہو گا۔ انہوں نے اس بات پر زور دیا کہ صحافت صرف خبر پہنچانے کا ذریعہ نہیں بلکہ معاشرتی اصلاح کا مؤثر ہتھیار ہے۔
تقریب میں شہر کے عوامی و سماجی مسائل پر بھی تفصیلی گفتگو ہوئی۔ شرکاء نے عہد کیا کہ وہ غیرجانبداری، سچائی اور عوامی خدمت کو اپنے پیشہ ورانہ اصولوں کا حصہ بناتے ہوئے صحافت کو بہتر سمت میں لے جائیں گے۔
ملاقات خوشگوار اور پرجوش ماحول میں اختتام پذیر ہوئی، جس نے باغی ٹی وی کے اس عزم کو ایک بار پھر تازہ کر دیا کہ وہ "سچ کی آواز، عوام کے ساتھ” کے مشن پر ہمیشہ قائم رہے گا۔
