سیالکوٹ (باغی ٹی وی سٹی رپورٹر مدثر رتو) سیالکوٹ ٹیکس بار کے نو منتخب سیکرٹری چوہدری شیراز اسلم ایڈووکیٹ کو ممتاز قانون دان ایم. سفیر علی بٹ ایڈووکیٹ اور ان کے ہمراہ آنے والے وکلا وفد نے پھولوں کا گلدستہ پیش کیا اور نیک تمناؤں کا اظہار کیا۔ اس وفد میں معروف وکلا چوہدری شہزاد محمد خالد ایڈووکیٹ، زمرد گھمن اور چوہدری ابرار سلہریا شامل تھے۔
اس موقع پر گفتگو کرتے ہوئے ایم. سفیر علی بٹ ایڈووکیٹ نے کہا کہ "سیالکوٹ ٹیکس بار کو ایک فعال اور پرعزم قیادت کی ضرورت تھی جو ہمیں نئے سیکرٹری چوہدری شیراز اسلم ایڈووکیٹ میں نظر آتی ہے۔ ہمیں یقین ہے کہ ان کی قیادت میں بار کے معاملات میں بہتری آئے گی۔”
چوہدری شہزاد محمد خالد ایڈووکیٹ نے کہا کہ نئی قیادت کے ساتھ ہم سب مل کر وکلا کے مسائل حل کرنے اور ان کے حقوق کے تحفظ کے لیے سرگرم رہیں گے۔
نو منتخب سیکرٹری چوہدری شیراز اسلم ایڈووکیٹ نے وفد کا شکریہ ادا کرتے ہوئے کہا کہ وہ تمام وکلا کے ساتھ مل کر ٹیکس بار کو مؤثر اور مضبوط ادارہ بنانے کے لیے پرعزم ہیں۔ انہوں نے وکلا کی سہولیات اور مسائل کے حل کو اپنی ترجیح قرار دیا۔
تقریب کے اختتام پر تمام شرکاء نے نئے سیکرٹری کی کامیابی اور ٹیکس بار کی ترقی کے لیے دعا کی۔
