پسرور(باغی ٹی وی،نامہ نگار وقاص اسلم) ڈھلم غازی میں ’غازی الیکٹرونکس‘ کا شاندار افتتاح،معزز شخصیات کی خصوصی شرکت
پسرور کے نواحی علاقے ڈھلم غازی میں ملنگ چوک پر ’’غازی الیکٹرونکس‘‘ کی افتتاحی تقریب نہایت شاندار اور پروقار انداز میں منعقد ہوئی، جس میں سیاسی، سماجی اور تاجر برادری سمیت علاقہ بھر کی معزز شخصیات نے بڑی تعداد میں شرکت کی۔
تقریب میں رکنِ قومی اسمبلی و وزیرِ مملکت برائے پلاننگ اینڈ ڈویلپمنٹ چوہدری ارمغان سبحانی نے خصوصی شرکت کی، جبکہ دکان کا باقاعدہ افتتاح رکنِ صوبائی اسمبلی و چیئرمین لینڈ ریکارڈ اتھارٹی پنجاب چوہدری طارق سبحانی نے فیتہ کاٹ کر کیا۔
اس موقع پر معروف سیاسی و سماجی رہنما چوہدری شہباز احمد ڈھڈی، چوہدری طارق محمود نانووالی، لیاقت سنیارہ سمیت علاقہ بھر کی ممتاز شخصیات اور تاجر برادری کے نمائندگان بھی موجود تھے۔ شرکاء نے غازی الیکٹرونکس کے قیام کو علاقائی ترقی اور عوامی سہولت کے لیے مثبت اور خوش آئند قرار دیا۔
تقریب کے اختتام پر غازی الیکٹرونکس کے اونر چوہدری محمد وقاص نے تمام مہمانوں کا خصوصی شکریہ ادا کیا اور عزم کا اظہار کیا کہ دکان میں معیاری الیکٹرونکس مصنوعات مناسب اور بہتر نرخوں پر فراہم کی جائیں گی۔
