سیالکوٹ،باغی ٹی وی (سٹی رپوٹر مدثر رتو )مرکزی مسلم لیگ کا بجلی ،گیس، پٹرول کی قیمتوں میں مسلسل اضافے، بڑھتی ہوئی مہنگائی اور ٹیکس گردی کیخلاف احتجاجی مظاہرہ
سیالکوٹ میں پاکستان مرکزی مسلم لیگ کی جانب سے بجلی ، گیس، پٹرول کی قیمتوں میں مسلسل اضافے، بڑھتی ہوئی مہنگائی کیخلاف احتجاجی مظاہرہ کیا گیا، اس مظاہرہ میں عوام کی بڑی تعداد نے شرکت کی ۔
صدر پاکستان مرکزی مسلم لیگ سیالکوٹ میاں محمد احسان کا کہنا تھا کہ حکومت کی جانب سے آئے روز نئے ٹیکسز اور بجلی ، گیس اور پٹرول کی قیمتوں میں اضافہ کرکے عوام معاشی قتل کیا جارہا ہے ۔
انہوں نے کہا ہے کہ آج بھی 5 روپے فی یونٹ حکومت نے بجلی مہنگی کردی ہے جو کہ عوام پر سراسر ظلم ہے ۔
انہوں نے کہا کے الیکشن سے پہلے 300 یونٹ کا وعدہ کرنے والے آج 200 یونٹ پر قوم کاخون چوس رہے ہیں۔جب بھی اس ملک عوام کے حقوق کی بات ہوگی مرکزی مسلم لیگ اپنی عوام کے لیے سڑکوں پر موجود ہوگی۔پورا ملک اس وقت مہنگائی کی آگ میں جل رہا ہے۔پورے ملک میں مایوسی کیفیت ہے۔
ہماری سب سے بڑی بدقسمتی ہے کہ ملک کا بجٹ آئی ایم ایف کے کہنے پر تیار کیا گیا ۔ہم اپنی عوام کوکسی صورت تنہا نہیں چھوڑ سکتے ہمیں آئی ایم ایف کی غلامی سے نکل کر ملک کو اسلامی فلاحی ریاست کی طرف لیکر آنا ہوگا۔
