سیالکوٹ،باغی ٹی وی(بیوروچیف شاہدریاض) پولیس نے مختلف تھانوں کی حدود میں پتنگ بازی کے خلاف بھرپور کارروائیاں کرتے ہوئے کئی ملزمان کو گرفتار کر لیا اور بڑی تعداد میں پتنگیں اور ڈوریں برآمد کر لیں۔
تفصیلات کے مطابق تھانہ صدر سیالکوٹ کے علاقہ ملو چھت سے پولیس نے علی حسین کو پتنگ اور ڈور سمیت گرفتار کیا، جبکہ تھانہ حاجی پور پولیس نے پتنگ بازی میں ملوث ایرک سے دو پتنگیں اور دو ڈوریں برآمد کیں۔
اسی طرح تھانہ نیکاپورہ کے علاقہ محلہ دھاروال سے مبشر کو پتنگ اور ڈور سمیت دھر لیا گیا، جبکہ تھانہ رنگپورہ کے علاقہ تلواڑہ مغلاں میں کارروائی کے دوران عبدالہادی سے 2 پتنگیں اور علی محمد سے 3 پتنگیں برآمد کی گئیں۔
تھانہ موترہ کے علاقے میں بھی پتنگ بازی کے خلاف کریک ڈاؤن کیا گیا، جہاں سے عدنان کو 9 پتنگیں اور ڈور سمیت گرفتار کیا گیا۔ تھانہ سمبڑیال کے علاقے میں علی عمر کو 5 پتنگوں اور ڈور سمیت حراست میں لیا گیا، جبکہ تھانہ سٹی پسرور کے علاقے میں پولیس نے کارروائی کرتے ہوئے محمد زاہد کو پتنگ اور ڈور سمیت گرفتار کر لیا۔
پولیس نے تمام ملزمان کے خلاف مقدمات درج کرکے مزید تفتیش شروع کر دی ہے۔ شہریوں نے پولیس کی ان کارروائیوں کو سراہتے ہوئے پتنگ بازی کے مکمل خاتمے کا مطالبہ کیا ہے تاکہ قیمتی جانوں کو محفوظ بنایا جا سکے۔
