سیالکوٹ (باغی ٹی وی بیورو چیف شاہد ریاض) سیالکوٹ کے مختلف علاقوں میں سابق رنجشوں اور تنازعات کی بناء پر دو الگ الگ واقعات میں تین افراد زخمی ہوگئے۔
تفصیلات کے مطابق تھانہ صدر پسرور کے علاقے کلاسوالہ میں رضا جاوید کو ملزمان عدیل، ازان، ایان اور ان کے تین نامعلوم ساتھیوں نے راستے میں روک کر تشدد کا نشانہ بنایا اور سنگین دھمکیاں دیتے ہوئے فرار ہو گئے۔ متاثرہ شخص رضا جاوید زخمی ہو گیا اور اسے فوری طور پر اسپتال منتقل کیا گیا۔
دوسرے واقعے میں تھانہ ستراہ کے علاقے چھانگا میں سابق عداوت کی بنیاد پر 8 افراد نے محمد شاہد اور محمد فرید پر حملہ کر دیا۔ حملہ آوروں نے ڈنڈوں اور مکوں کے وار کر کے دونوں کو زخمی کر دیا اور موقع سے فرار ہو گئے۔
پولیس نے دونوں واقعات کے حوالے سے مقدمات درج کر لیے ہیں اور ملزمان کی تلاش شروع کر دی ہے۔ پولیس حکام کا کہنا ہے کہ جلد ہی ملزمان کو گرفتار کر کے قانون کے کٹہرے میں لایا جائے گا۔
