سیالکوٹ:کھیت میں بکریاں جانے اور پرانی رنجش پر 3 افراد زخمی

سیالکوٹ (باغی ٹی وی بیوروچیف شاہد ریاض)کھیتوں میں بکریاں داخل ہونے اور پرانی رنجش کے تنازع پر دو مختلف واقعات میں3افراد زخمی ہوگئے۔

تفصیلات کے مطابق تھانہ اگوکی کے علاقہ دھنے میں بکریاں کھیتوں میں گھسنے کے تنازع پر ملزمان آصف، عارف، حماد، ابراہیم، اور عمیر نے ڈنڈوں اور مکوں سے ناظم حسین پر حملہ کیا، جس سے وہ شدید زخمی ہوگئے۔ ملزمان موقع سے فرار ہوگئے۔

دوسرا واقعہ عدالت گڑھا میں پیش آیا جہاں اکرم کا بیٹا حسنین اپنے دوست کے ساتھ دکان پر کھانا کھا رہا تھا۔ سابقہ تنازع کے باعث ملزمان عمر اور ابوزر نے وہاں پہنچ کر ڈنڈوں اور مکوں سے دونوں پر حملہ کیا، جس سے دونوں زخمی ہوگئے۔

پولیس نے دونوں واقعات کے مقدمات درج کرکے تحقیقات شروع کردی ہیں۔