سیالکوٹ (باغی ٹی وی، بیوروچیف شاہد ریاض)سیالکوٹ پولیس نے ڈاکوؤں کے خلاف بڑی کارروائی کرتے ہوئے خطرناک رافی کھوکھر گینگ کے سرغنہ سمیت تین ملزمان کو گرفتار کر لیا ہے۔ ڈی پی او سیالکوٹ فیصل شہزاد کی خصوصی ہدایات پر ضلع بھر میں جاری ڈکیتی و راہزنی کے خلاف آپریشن کے دوران ڈی ایس پی صدر سرکل کی نگرانی اور ایس ایچ او تھانہ کوٹلی سید امیر سب انسپکٹر طیب حسین کی قیادت میں کامیاب چھاپہ مار کارروائی کی گئی۔
پولیس ترجمان کے مطابق، گرفتار ملزمان اسلحے کے زور پر شہریوں سے موٹر سائیکلیں، نقدی، قیمتی موبائل فونز اور دیگر اشیاء چھین کر فرار ہو جاتے تھے۔ ابتدائی تفتیش میں ملزمان نے درجنوں وارداتوں کا اعتراف کیا ہے، جن میں سے 12 مقدمات پولیس نے ٹریس کر کے متعلقہ تھانوں میں درج کر لیے ہیں۔
پولیس نے گرفتار ملزمان کے قبضے سے مجموعی طور پر 11 لاکھ 55 ہزار روپے مالیت کا مسروقہ سامان برآمد کیا، جس میں شامل ہے:
* 4 عدد چوری شدہ موٹرسائیکلیں
* 2 لاکھ روپے نقدی
* 8 عدد قیمتی اسمارٹ موبائل فونز
* متعدد الیکٹرک موٹریں
* 2 عدد ناجائز پسٹل 30 بور بمعہ گولیاں
گرفتار ملزمان کی شناخت درج ذیل ہے1. عبدالرفع قادری عرف رافی کھوکھر ولد فیاض، سکنہ ظہورہ،2. راخت علی ولد عبدالغنی قوم کھوکھر، سکنہ ظہورہ.3. حفیظ ولد غلام فرید، سکنہ لہدی پور
ملزمان تھانہ کوٹلی سید امیر اور تھانہ کوٹلی لوہاراں کی حدود میں سرگرم تھے، جنہیں جوڈیشل ریمانڈ پر حوالات بھجوا دیا گیا ہے۔
ڈی پی او فیصل شہزاد نے کامیاب کارروائی پر پولیس ٹیم کے افسران اور جوانوں کو تعریفی اسناد اور نقد انعام دینے کا اعلان کیا ہے۔
