سیالکوٹ ،باغی ٹی وی( بیوروچیف شاہد ریاض) ماڈل تھانہ سمبڑیال کی حدود موضع دھامیاں میں ڈکیتی کی واردات پیش آئی، جہاں تین مسلح ڈاکو دکان میں گھس آئے اور اسلحے کے زور پر دکاندار حسن جاوید بٹ اور اس کے ساتھ بیٹھے دوستوں سے نقدی اور موبائل فونز چھین کر فرار ہوگئے۔
عینی شاہدین کے مطابق ڈاکوؤں کے پاس ایک پسٹل اور رائفل موجود تھی، جسے لہراتے ہوئے وہ موقع سے فرار ہو گئے۔ واقعے کی اطلاع پر پولیس موقع پر پہنچ گئی اور جائے واردات سے شواہد اکٹھے کر لیے۔
متاثرہ دکاندار حسن جاوید بٹ کی مدعیت میں نامعلوم ڈاکوؤں کے خلاف تھانہ سمبڑیال میں مقدمہ درج کر لیا گیا ہے۔ پولیس کے مطابق ملزمان کی گرفتاری کے لیے تحقیقات کا آغاز کر دیا گیا ہے اور جلد پیشرفت متوقع ہے۔
