سیالکوٹ :ڈکیتی کی واردات،مسجد ڈیوٹی پرموجود اہلکارکا ڈاکوؤں سے مقابلہ،ڈاکوؤں کی فائرنگ سےشہری ہلاک

سیالکوٹ، باغی ٹی وی(شاہد ریاض سٹی رپورٹر)ڈکیتی کی واردات،مسجد ڈیوٹی پرموجود اہلکارکا ڈاکوؤں سے مقابلہ،ڈاکوؤں کی فائرنگ سے راہگیرہلاک
سیالکوٹ تھانہ حاجی پورہ کے علاقہ شہابپورہ روڈ گوجرانوالہ کے رہائشی محمد عارف جو نجی بنک سے 15 لاکھ 45 ہزار رقم لے کر نکلا تو دو ڈاکوئوں نے اسلحہ کے زور پر اس سے رقم چھینی اسی دوران قریبی مسجد پر سیکورٹی ڈیوٹی پر تعینات اہلکار نے جرات کا مظاہرہ کرتے ہوئے ڈاکوئوں پر فائرنگ کی جو ڈاکو جوابی فائرنگ کرتے ہوئے فرار ہو گئے جوابی فائرنگ سے قریبی کھڑا 27 سالہ محمد تعظیم جو کہ پی ٹی سی ایل کا ملازم تھا سر میں گولی لگنے سے جانبحق ہو گیا۔

ڈاکوؤں نے واردات کے بعد شہابپورہ پل کے نیچے سے عامر شکیل نامی شہری سے موٹرسائیکل اور ڈیڑھ لاکھ روپے نقدی چھینی اور پرانی موٹرسائیکل پھینک کر عامر شکیل کی موٹرسائیکل پر فرار ہو گئے واقعہ کی اطلاع ملنے پر ڈی ایس پی سٹی طارق محمود اور پولیس کی بھاری نفری کے ساتھ موقع پر پہنچ گئی مقتول محمد تعظیم تین بچوں کا باپ تھا اور جوگو چک چپراڑ روڈ کا رہائشی تھا۔ترجمان پولیس نے رابطہ پر بتایا کہ واقعہ کی تمام پہلوؤں سے تفتیش کی جا رہی ہے اور میرٹ کو یقینی بناتے ہوئے انصاف کے تقاضوں کو پورا کیا جائے گا۔