سیالکوٹ:ضلع بھر میں روٹی اور نان کی قیمتوں پر عملدرآمد کیلئے چیکنگ جاری

سیالکوٹ،باغی ٹی وی (بیوروچیف شاہد ریاض سے)وزیر اعلی پنجاب مریم نواز کی ہدایت پر ضلع بھر میں روٹی اور نان کی قیمتوں پر عملدرآمد کیلئے چیکنگ جاری،

14اپریل سے ابتک 1052انسپکشنز کیں جبکہ مقررہ قیمت سے زائد وصول کرنے پر 278گرانفروشوں پر 11لاکھ83500روپے جرمانہ عائد کیا گیا،

ناجائز منافع خوروں کے خلاف مختلف تھانوں میں 6مقدمات بھی درج کرائے گئے،

ڈپٹی کمشنر محمد ذوالقرنین نے بتایاکہ کہا کہ چاروں تحصیلوں میں اسسٹنٹ کمشنرز اور پرائس مجسٹریٹس تندوروں کی مسلسل نگرانی کر رہے ہیں۔

ڈپٹی کمشنر نے بتایا کہ روٹی اور نان کی مقررہ قیمت سے زائد وصول کرنے والوں کے خلاف کریک ڈاؤن کے دوران 25افراد کو حراست میں لیا گیا جبکہ 11دکانوں کو سیل بھی کیا گیا ہے۔