سیالکوٹ:کوسٹرزکے درمیان مقابلے بازی،روڈ پر کھڑے آٹو رکشہ کوروند ڈالہ،ایک جاں بحق،5 زخمی

سیالکوٹ،باغی ٹی وی (بیوروچیف شاہدریاض)کوسٹرزکے درمیان مقابلے بازی،روڈ پر کھڑے آٹو رکشہ کوروند ڈالہ،ایک جاں بحق،5 زخمی

سمبڑیال کے تھانہ بیگوالہ کے علاقے روہیلہ سٹاپ پر تیز رفتار کوسٹر کی دوسری کوسٹر سے آگے نکلنے کے لئے مین روڈ پر کھڑے آٹو رکشہ کو ٹکر کے نتیجے میں رکشہ سوار 50 سالہ اسلم جانبحق ، 3 خواتین سمیت 5 مسافر شدید زخمی ہوگئے ، زخمیوں کو طبی امداد کے لیے ہسپتال منتقل کر دیا گیا۔

پولیس نے کوسٹرز کو تحویل میں لے کر ڈرائیوروں کو حراست میں لے لیا ہے

تھانہ بیگوالہ کے علاقہ روہیلہ بس سٹاپ مین جی ٹی روڈ پر تیز رفتار کوسٹر نے دوسری کوسٹر سے آگے نکلنے کے لئے کراس کرتے ہوئے روڈ پر کھڑے آٹو رکشہ کو ٹکر ماردی جس کے نتیجے میں رکشہ سوار موضع لنگڑے والی سیالکوٹ کا رہائشی 50 سالہ اسلم ولد دانیال مسیح زخموں کی تاب نہ لاتے ہوئے جاں بحق ہوگیا

جبکہ رکشہ میں سوار مسافر ماجد ، سبحان اور خواتین شاہدہ بی بی ، شمع فردوس اور نازیہ بی بی شدید زخمی ہوگئیں جنہیں علاج معالجہ کے لئے مقامی ہسپتال منتقل کر دیا گیا ہے ۔

تھانہ بیگوالہ پولیس نے حادثہ کا سبب بننے والی دونوں کوسٹرز قبضہ میں لے کر ڈرائیوروں کو حراست میں لے لیا ہے اور مصروف کارروائی ہے ۔