سیالکوٹ،باغی ٹی وی(بیوروچیف شاہدریاض) سیالکوٹ سرکل ڈسکہ کے تھانہ موترہ کے علاقہ کوٹلی مرلاں میں ایک ہی گاؤں میں 6 ماہ کے دوران دوسری جوان سالہ بہو کو قتل کر دیا گیا۔
تھانہ موترہ کے علاقہ کوٹلی مرلاں میں شوہر نے 24 سالہ بیوی مریم کو گولی مار کر قتل کر دیا۔ مقتولہ مریم کے والد کے مطابق ایک سال قبل بیٹی کی شادی واجد علی سے ہوئی تھی۔ شادی کے کچھ عرصہ بعد سسرال میں اسے تشدد کا نشانہ بنایا جاتا اور آئے روز لڑائی جھگڑے ہوتے تھے۔ تاہم وہ بیٹی کو سسرال میں خوش اسلوبی سے زندگی گزارنے کی تلقین کرتے رہے تھے۔
اسی گاؤں کوٹلی مرلاں میں چند ماہ قبل سسرالیوں نے زارا نامی بہو کو قتل کر کے اس کی لاش کے ٹکڑے کر کے سیوریج نالہ میں پھینک دیے تھے۔
