سیالکوٹ ,باغی ٹی وی(بیوروچیف شاہدریاض) ڈپٹی کمشنر محمد ذوالقرنین لنگڑیال نے ضلع سیالکوٹ میں 30 روزہ بگ کیچ اپ مہم کے دوسرے فیز کا افتتاح کردیا۔ بنیادی مرکز صحت میں افتتاح کے بعد انہوں نے والدین سے اپیل کی کہ وہ 15 مارچ تک جاری اس مہم کے دوران 5 سال سے کم عمر ایسے تمام بچوں کو حفاظتی ٹیکے لگوائیں جو کسی وجہ سے ویکسینیشن کا کورس مکمل نہیں کر سکے۔
ڈپٹی کمشنر نے بتایا کہ پنجاب حکومت حفاظتی ٹیکہ جات کے توسیعی پروگرام کے تحت بچوں کو 12 بیماریوں سے بچاؤ کی ویکسین فراہم کرتی ہے، تاہم کورونا سمیت دیگر وجوہات کی بنا پر کئی بچے ویکسینیشن سے محروم رہ گئے۔ ان بچوں کو کور کرنے کے لیے زیرو ولسگ، ہیرو مہم کا آغاز کیا گیا ہے۔
انہوں نے موقع پر موجود ہیلتھ اتھارٹی حکام کو ہدایت کی کہ اس مہم کے دوران پولیو سے محروم رہ جانے والے بچوں کو بھی ویکسین دی جائے تاکہ ہر بچہ مکمل تحفظ حاصل کر سکے۔
