سیالکوٹ (باغی ٹی وی بیوروچیف شاہد ریاض)صوبائی پارلیمانی سیکرٹری اطلاعات و ثقافت پنجاب شازیہ رضوان نے ڈسٹرکٹ جیل سیالکوٹ کا دورہ کیا اور اسیران کو فراہم کی جانے والی سہولیات کا تفصیلی جائزہ لیا۔
دورے کے دوران شازیہ رضوان نے اسیران کے وارڈز کا معائنہ کیا اور خواتین اسیران سے ملاقات کر کے جیل میں دی جانے والی سہولتوں کے بارے میں دریافت کیا۔ جیل سپریٹنڈنٹ نے انہیں اسیران کو فراہم کی جانے والی سہولیات کے بارے میں تفصیلی بریفنگ دی۔ پارلیمانی سیکرٹری نے جیل میں قائم ہسپتال کا بھی دورہ کیا اور علاج معالجے کی سہولیات کا مشاہدہ کیا۔
شازیہ رضوان نے سپریٹنڈنٹ جیل کے ہمراہ کچن کا بھی دورہ کیا اور اسیران کو دیئے جانے والے کھانے کی کوالٹی کو چکھ کر جائزہ لیا۔
