ڈاکٹرغلام مصطفی بڈانی
سیالکوٹ (باغی ٹی وی، سٹی رپورٹر مدثر رتو) سیالکوٹ کے فرض شناس پولیس افسر ایس ایچ او کوتوالی انسپکٹر ناصر محمود باجوہ کو نماز جنازہ کے بعد ان کے آبائی قبرستان میں سپرد خاک کر دیا گیا۔
نماز جنازہ میں ڈسٹرکٹ پولیس آفیسر فیصل شہزاد، ڈی ایس پی سٹی طارق محمود ڈھڈی، ڈی ایس پی ہیڈکوارٹر ملک محمد خلیل، انچارج سیکیورٹی برانچ حافظ سعید نذیر دھاریوال، ایس ایچ او حاجی پورہ سرمد فیاض، ایس ایچ او مراد پور اکرم شہباز، ایس ایچ او نیکاپورہ احسان انسپکٹر، ایس ایچ او سمبڑیال انسپکٹر ارشاد سمیت پولیس ملازمین کی بڑی تعداد نے شرکت کی۔
مرحوم انسپکٹر ناصر باجوہ کو ایک شریف النفس، ایماندار اور ظلم کے خلاف ڈٹ جانے والے افسر کے طور پر یاد کیا گیا۔ ان کی وفات پر پولیس فورس سوگوار ہے۔
دعائے مغفرت کے دوران مرحوم کے درجات کی بلندی، خطاؤں کی معافی، قبر کی منزلوں میں آسانی اور جنت الفردوس میں اعلیٰ مقام کی دعا کی گئی۔
