سیالکوٹ: سانحہ سنگنال، 4 افراد کا قاتل گرفتار کرلیا گیا
![](https://baaghitv.com/wp-content/uploads/2024/08/WhatsApp-Image-2024-08-19-at-11.38.38-PM.jpg)
سیالکوٹ(باغی ٹی وی بیورو چیف شاہد ریاض کی رپورٹ)سیالکوٹ میں سنگنال واقعہ میں 4 بے گناہ افراد کو قتل کرنے والے ملزم محمد شہزاد کو پولیس نے گرفتار کرلیا ہے۔
تفصیلات کے مطابق، محمد نصیر خان انچارج سپرنٹنڈنٹ پولیس ضلع بھمبر کی زیر نگرانی، محمد مہربان انسپکٹر SHO تھانہ برنالہ کی معہ نفری نے کارروائی کرتے ہوئے تھانہ سبز پیر ضلع سیالکوٹ کے مقدمہ قتل علت 694/24 میں ملوث ملزم محمد شہزاد کو گرفتار کیا ہے۔
ملزم محمد شہزاد نے 4 بے گناہ افراد کو فائرنگ کرکے قتل کرنے کے بعد فرار ہوکر حدود تھانہ برنالہ میں روپوش تھا۔ ملزم کو گرفتار کرکے سیالکوٹ پولیس کے حوالے کردیا گیا ہے۔
اس آپریشن میں پولیس کو حساس اداروں کی مکمل معاونت حاصل رہی۔