سیالکوٹ ،باغی ٹی وی( شاہد ریاض سٹی رپورٹر)امیر جماعت اسلامی سراج الحق نے کہا ہے اسرائیل کی شدید بمباری کے سامنے فلسطین کے لوگ سیسہ پلائی ہو ئی دیوار بن گئے ہیں ۔وہ سیالکوٹ میں لبیک یا فلسطین ریلی سے خطاب کررہے تھے ۔
جس میں ہزاروں نوجوان، خواتین اور لوگوں نے شرکت کی۔ امیر جماعت اسلامی میاں آصف اقبال، قیم ضلع ذولفقار ذکی امراء ، قیمین ، اور امیر صوبہ پنجاب وسطی جاوید قصوری بھی شریک تھے۔
امیر پاکستان سراج الحق نے کہا کہ مسلم اُمّہ کے بے حس حکمرانوں کی کمزوری سے اسرائیل اور امریکہ کے مظالم میں دن بدن بڑھ رہے ہیں۔ انہوں نے کہا کہ امریکہ نے ایٹم بم چلا کر ہیروشیما کے لوگوں کو نیست و نامود کیا تھا اس سے زیادہ طاقت سے اسرائیل نے غزہ پر گولا بارود چلایا ہے۔
انہوں نے کہا کہ اہل غزہ کےساتھ ساری پاکستانی قوم ہے اور جماعت اسلامی پاکستان 19 نومبر کو اہل فلسطین اور غزہ کے لوگوں کے ساتھ اظہار یکجہتی کے لیے لاہور میں ملین مارچ کریں گے۔
Leave a reply
