مرکزی مسلم لیگ کے سیکرٹری جنرل سیف اللہ قصوری نے کہا ہے کہ سیاست خدمت خلق کا سب سے بڑا ذریعہ ہے، دین اسلام پر عمل کرنے سے کامیابیاں ملیں گی،قوموں کو عزت قرآن مجید کے نظام پر چلنے سے ملتی ہے، مرکزی مسلم لیگ خدمت کی سیاست پر عمل پیرا ہے،
ان خیالات کا اظہار انہوں نے جمعہ کے اجتماع سے خطاب ،بعد ازاں عمائدین سے ملاقات کے دوران گفتگو کرتے ہوئے کیا، سیف اللہ قصوری کا کہنا تھا کہ خیبر پختونخوا اور بلوچستان میں دہشت گردی کےو اقعات بڑھ رہے ہیں، پاکستان میں ہونےو الی دہشت گردی میں بیرونی قوتیں ملوث ہیں،اسلام سلامتی اور امن کا دین ہے، اس کا دہشت گردی سے کوئی تعلق نہیں، اسلام نے ایک انسان کے قتل کو پوری انسانیت کا قتل قرار دیا ہے،مسلمانوں کو اس وقت بہت بڑے چیلنجز درپیش ہیں، فتنہ تکفیر کا علمی سطح پر رد کرنے کی ضرورت ہے،علماءکرام انبیاءکے وارث ہیں، وہ کفار کی سازشوں کو سمجھتے ہوئے نوجوانوں کو گمراہ ہونے سے بچائیں۔سیف اللہ قصوری کامزید کہنا تھا کہ سیاستدان ملک کے لئے ،قوم کے لئے سیاست کریں گے تو عزت اور کامیابی مقدر بنے گی ،بے روزگاری کے خاتمے کے لئے اپنا کماؤ کے زیر اہتمام لاکھوں افراد کو آئی ٹی کی تربیت دے چکے ہیں،خواتین،اقلیتوں کے حقوق کا بھی مرکزی مسلم لیگ تحفظ کرے گی، مرکزی مسلم لیگ خدمت کی سیاست، اتحادامت اور استحکام پاکستان کے لیے اپنی جدوجہد جاری رکھے گی
