سیاسی بنیادوں پر اب تقرریاں نہیں ہوں گی،وزیراعلیٰ پنجاب

وزیراعلیٰ پنجاب مریم نواز نے کہا ہے کہ سیاسی بنیادوں پر اب تقرریاں نہیں ہوں گی، سفارشیں نہیں چلیں گی، میرا بھی دل کرتا ہے کہ ایم پی اے کی اس حوالہ سے بات مانوں لیکن سیاسی مفاد کے لئے عوامی مفاد کو پس پشت نہیں ڈال سکتے

پھول نگر میں رورل اسپتال کے افتتاح کے موقع پر تقریب سے خطاب کرتے ہوئے وزیراعلیٰ پنجاب مریم نواز کا کہنا تھا مجھے پنجاب کے 13 کروڑ عوام کا مفاد زیادہ عزیز ہے، میں آلو، پیاز اور ٹماٹر کی قیمتیں کم کروں گی، پیاز کے بغیر کھانا نہیں پکتا، جب میری حکومت آئی تو پیاز 300 روپے کلو سے اوپر تھا آج 100 روپے کلو ہے، نواز شریف کی ہدایت ہے غریبوں کی فلاح کیلئے کام کریں، ہمارے 200 کلینکس آن وہیلز آپ کی دہلیز تک پہنچ کر علاج کریں گے، کلینکس آن وہیلز کی سہولت سے 30 ہزار لوگوں کا علاج ہو چکا ہے، غریب کے بچے کو وہی تعلیم اور علاج دینا ہے جو امیر کے بچے کے پاس ہے، آئندہ پانچ سال میں پنجاب کا کوئی ایسا ہسپتال نہیں ہوگا جہاں مفت علاج کی سہولت نہیں ہوگی، روٹی 25 روپے سے 15 روپے پر آگئی ہے، ہم نے پنجاب میں 590 سڑکیں بنانے کے پروگرام پر عمل درآمد شروع کر دیا ہے، پنجاب کی کوئی سڑک 5 سال بعد ٹوٹی ہوئی نظر نہیں آئے گی،آئندہ چند ماہ میں پنجاب کے تمام اسپتالوں کو تبدیل کرکے رکھ دیں گے، جہاں ڈاکٹرز اور نرسوں کی کمی ہے، وہاں یہ کمی دور کی جارہی ہے، جہاں دل کے علاج کی سہولت نہیں وہاں یہ سہولت فراہم کی جائے گی،کنٹینرز میں فیلڈ اسپتال بنا کر پنجاب کے تمام دیہی علاقوں میں بھیج دیے ہیں،

وزیراعلیٰ پنجاب مریم نواز کا مزید کہنا تھا کہ پنجاب کے کسان کو ایک فصل کے لیے کسان کارڈ کے ذریعے ڈیڑھ لاکھ روپے دیے جائیں گے،جب کسان کو ڈیڑھ لاکھ روپے ملیں گے تو اسے آرھتی یا مڈل مین کے ہاتھوں ذلیل و خوارنہیں ہونا پڑے گا اور نہ ہی اسے کھاد، بیج وغیرہ خریدنے کے لیے قرض اور سود چکانا پڑے گا،جو پیکیج کسانوں کے لیے لایا جا رہا ہے پاکستان کی تاریخ میں کسانوں کو اتنا بڑا پیکیج نہیں ملا ،مشینری نہ ہونے کے باعث کسان کا نقصان ہوتا ہے کسانوں کو مشینری بھی آسان قرضوں پر فراہم کی جائے گی

شہباز اور مریم ،نواز شریف کے سپاہی،حکومت نواز شریف کی ہے، وزیراعلیٰ پنجاب
وزیراعلیٰ پنجاب مریم نواز کا مزید کہنا تھا کہ جب بھی نوازشریف کی حکومت آتی ہے سازش کے ذریعے ختم کر دی جاتی ہے، اب نوازشریف کی چوتھی حکومت میں ترقی کا سفر شروع ہوا ہے، اس کو رکنے نہیں دینا، شہباز شریف اور مریم، نوازشریف کے سپاہی ہیں، حکومت نوازشریف کی ہے،مریم نواز نے 2 ماہ میں پھولنگر میں نیا ہسپتال بنا دیا ہے، ہم نے کنٹینرز کے اوپر پورا ہسپتال کھڑا کر دیا ہے، آپ کے گاؤں میں ہسپتال چل کر آئے گا اور علاج کرے گا۔

وزیر اعلیٰ پنجاب مریم نواز شریف نے پھول نگر رورل ہیلتھ سنٹر ری ویمپنگ پراجیکٹ کا افتتاح کردیا.وزیر اعلیٰ مریم نواز شریف کو مراکز صحت کی ری ویمپنگ پر بریفننگ دی گئی،پھولنگر رورل ہیلتھ سنٹر میں ماہانہ تقریباً دس ہزار مریض علاج کی سہولت حاصلِ کرتے ہیں۔پھول نگر رورل ہیلتھ سنٹر کو بتدریج سولر انرجی پر منتقل کیا جائےگا۔وزیر اعلیٰ مریم نواز شریف نے افتتاح کے بعد رورل ہیلتھ سنٹر کا دورہ کیا،وزیر اعلیٰ مریم نواز شریف نے استقبالیہ کاؤنٹر پر ہیلتھ انفارمیشن مینجمنٹ سسٹم کے تحت پرچی کے اجرا کے عمل کا مشاہدہ کیا ،وزیر اعلیٰ مریم نواز نے فارمیسی ، ڈاکٹر افس ایمرجنسی وارڈ ،ڈینٹل روم ۔لیبارٹری، میڈیسن سٹور ایکسرے روم کا دورہ کیا،وزیر اعلیٰ مریم نے وویمن میڈیکل آفیسر ، فی میل وارڈ ،نرسری ،اپریشن تھیٹر کا بھی جائزہ لیا،ویل وویمن وارڈ،نرسنگ سٹیشن،ای پی آئی اور سکریننگ روم کا معائنہ بھی کیا،وزیر اعلیٰ مریم نواز شریف نے ڈاکٹروں اور عملے سے بات چیت کی،سینٹر پرویز رشید، سینیر منسٹر مریم اور رنگ زیب ، صوبائی وزرا خواجہ سلمان رفیق خواجہ عمران نزیر ، صہیب احمد بھرتھ ، رانا سکندر حیات ،ایم پی اے رانا ثانیہ عاشق, چیف سیکرٹری ، سیکرٹریز ،اور دیگر موجود تھے

دبئی لیکس شرم کا مقام ہے،زرتاج گل

پاکستان کے اہم سیاسی رہنماؤں کے نامو ں کا دبئی پر اپرٹی لیکس میں انکشاف

بلاول بھٹو زرداری کی جانب سے دبئی پراپرٹی لیکس میں نام آنے پر وضاحت

ریٹائرڈ فوجی جنرل، پاکستان ایئر فورس کے دو ریٹائرڈ ایئر وائس مارشل بھی دبئی میں جائیدادوں کے مالک

محسن نقوی اور شرجیل میمن کی دبئی لیکس پہ وضاحت

دبئی پراپرٹی لیکس میں حکمران اشرافیہ کا بدنما کرپٹ چہرہ سامنے آیا ہے، سینٹر مشتاق احمد

عمران خان کی فرنٹ مین فرح گوگی بھی دبئی میں جائیداد کی مالک