وزیر اعلیٰ سندھ مراد علی شاہ نے مطالبہ کیا کہ ذوالفقار علی بھٹو کی سزا کا فیصلہ واپس لینا ہوگا۔ ذوالفقار علی بھٹو کے نام کے ساتھ آفیشلی شہید لگایا جائے۔مراد علی شاہ نے سندھ اسمبلی میں ذوالفقار علی بھٹو کو قومی جمہوری ہیرو قرار دینے کی قرارداد پیش کردی۔اسمبلی میں خطاب کرتے ہوئے وزیراعلیٰ سندھ نے کہا کہ سپریم کورٹ نے خود مانا ہے بھٹو کیس میں غلطی ہوئی ہے۔انہوں نے کہا کہ جو ظلم ہوا، اُسے ختم کرنے کےلیے آئین میں ترامیم کرنا ہوں گی۔وزیراعلیٰ سندھ کا کہنا تھا کہ ذوالفقار علی بھٹو کو سرکاری طور پر شہید ڈکلیئر کیا جائے۔وزیراعلیٰ سندھ کا کہنا تھا کہ متحدہ قومی موومنٹ (ایم کیو ایم) پاکستان کے دوستوں نے پہلے ہی کہہ دیا تھا کہ وہ اس میں ساتھ دیں گے۔انہوں نے کہا کہ جماعت اسلامی اور سنی اتحاد کونسل کے دوستوں سے بھی درخواست ہے کہ وہ ساتھ دیں۔
Shares:
