سندھ حکومت کا کینسر کا شکار نائلہ جعفری کی مالی معاونت کا اعلان

سندھ حکومت نے کینسر کی شکار سینئر اداکارہ نائلہ جعفری کی مدد کی اپیل کی ویڈیو وائرل ہونے کے بعد ان کی مالی معاونت کرنے کا اعلان کیا ہے-

باغی ٹی وی : نائلہ جعفری 2016 سے بیمار ہیں اور ابتدائی طور پر ان میں اوورین کینسر کی تشخیص ہوئی تھی اور بعد ازاں ان میں معدے کے کینسر کی بھی تشخیص ہوئی کینسر کے تیسرے اسٹیج کی وجہ سے انہیں تشویش ناک حالت میں ہسپتال داخل کرایا گیا بعد ازاں نائلہ جعفری کو کچھ عرصہ ہسپتال میں رکھنے کے بعد ڈسچارج کردیا گیا تھا –

اداکارہ نے 2017 میں اس وقت کی مرکزی پاکستان مسلم لیگ (ن) کی حکومت کی مالی مدد لینے سے انکار کردیا تھا تاہم بعد ازاں انہوں نے اس وقت کے صدر مملکت ممنون حسین کی معاونت قبول کی تھی ساتھ ہی انہوں نے حکومت سندھ کی مالی مدد بھی قبول کی تھی۔

حال ہی میں نائلہ جعفری کی ایک ویڈیو وائرل ہوئی تھی جس میں انہوں نے ٹی وی مالکان، ڈراما سازوں اورحکومت سے مدد کی اپیل کی تھی۔

مدد کی اپیل کرنے کی ویڈیو میں نائلہ جعفری کو ہسپتال کے بستر پر کسمپرسی کی حالت میں دیکھا جا سکتا تھا اور وہ مدد کی اپیل کرتے ہوئے آبدیدہ ہوگئی تھیں۔

اداکارہ کی ویڈیو وائرل ہونے کے بعد لوگوں نے بھی حکومت سے اپیل کی تھی کہ وہ نائلہ جعفری کی مدد کرے اور اب سندھ حکومت نے نائلہ جعفری کی مدد کا اعلان کردیا۔

My dear friend and a renowned TV actor Naila Jafri has been fighting Cancer since last 6 years. The battle is very expensive. In this video she requests if the channel owners pay royalty to her previous work’s re runs it will be of great help to her. pic.twitter.com/AYc6TOTRB7

— Furqan T. Siddiqui (@furqantsiddiqui) April 4, 2021

سندھ کے وزیر ثقافت سید سردار شاہ نے نائلہ جعفری کی ویڈیو شیئر کرنے والے اداکار و ٹی وی اسٹار فرقان صدیقی کی ٹوئٹ پر کمنٹس کرتے ہوئے اعلان کیا کہ سندھ حکومت اداکارہ کی تمام مالی معاونت کرے گی۔

Culture department will happily bear all her expenses .. can anyone share her contact number?

— Sardar Shah (@sardarshah1) April 4, 2021

سید سردار شاہ نے اداکارہ کی ویڈیو پر کمنٹ کرتے ہوئے لکھا کہ محکمہ ثقافت نائلہ جعفری کے علاج کے تمام اخراجات برداشت کرے گا اور ساتھ ہی وزیر ثقافت نے فرقان صدیقی سے اداکارہ سے رابطے کرنے کے لیے فون نمبر اور دیگر ضروری معلومات بھی فراہم کرنے کی اپیل کی۔

Thank you Shah sb. Already on it

— Furqan T. Siddiqui (@furqantsiddiqui) April 4, 2021

Furqan bhai, how can one help her. Can you please DM details?

— Zubair Faisal Abbasi (@zubairabbasi) April 4, 2021

جبکہ دیگر سوشل میڈیا صارفین نے بھی اداکارہ کا اکاؤنٹس نمبر اور فون نمبرز کی ڈیٹیل مانگی-
https://twitter.com/salmonstagrams/status/1378604126859300864?s=20