حکومت سندھ نے آئندہ مالی سال 2025-26 کے بجٹ میں ترقیاتی منصوبوں کے لیے 1018 ارب روپے مختص کر دیے ہیں۔ بجٹ کل صوبائی اسمبلی میں پیش کیا جائے گا۔
حکومت نے سال 26-2025 کے لیے ترقیاتی پروگرام کو حتمی شکل دے دی ہے، جس میں صوبائی ترقیاتی پروگرام کے لیے 520 ارب روپے اور ضلعی ترقیاتی منصوبوں کے لیے 55 ارب روپے مختص کیے گئے ہیں۔ترقیاتی بجٹ کی تفصیلات کے مطابق تعلیم کے لیے 102 ارب 79 کروڑ روپے،صحت کے لیے 45 ارب 37 کروڑ روپے، آبپاشی کے لیے 83 ارب 95 کروڑ روپے، بلدیات کے لیے 143 ارب 21 کروڑ روپے اور ورکس اینڈ سروسز کے لیے 143 ارب 21 کروڑ روپے رکھے گئے ہیں۔
مزید یہ کہ بجٹ میں سرکاری ملازمین کی تنخواہوں میں 10 فیصد اور پنشن میں 7 فیصد اضافے کی تجویز بھی شامل ہے۔غیر ملکی فنڈنگ سے 366 ارب روپے اور وفاقی سالانہ ترقیاتی پروگرام سے 76 ارب روپے حاصل ہوں گے، جبکہ غیر ترقیاتی بجٹ 2 کھرب روپے ہوگا۔
ترقیاتی منصوبوں کی تقسیم کچھ یوں ہے 3642 ترقیاتی منصوبوں کے لیے 400 ارب روپے،3161 جاری منصوبوں کے لیے 331 ارب روپے،481 نئے منصوبوں کے لیے 119 ارب روپے اور 1350 منصوبے ایسے ہوں گے جن پر 100 فیصد رقم جاری کی جائے گی۔
رواں سال کی رقم کی مکمل منتقلی کی صورت میں آئندہ ترقیاتی پروگرام کا حجم 1264 ارب روپے تک پہنچ جائے گا، جبکہ رواں مالی سال 2024-25 میں ترقیاتی بجٹ 1165 ارب روپے تھا۔
ٹیسٹ چیمپئن شپ فائنل:کمنز کی شاندار بولنگ، آسٹریلیا کو 218 رنز کی برتری
احمد آباد طیارہ حادثہ: ہلاک افراد کے اہل خانہ کیلئے ایک کروڑ روپے فی کس معاوضے کا اعلان
وزیراعظم کی یو اے ای کے صدر سے ملاقات، دوطرفہ تعلقات اور خطے میں امن پر تبادلہ خیال
وزیراعظم کی یو اے ای کے صدر سے ملاقات، دوطرفہ تعلقات اور خطے میں امن پر تبادلہ خیال