محکمہ موسمیات نے کراچی میں ہلکی بارش کی پیش گوئی کی ہے-

باغی ٹی وی : محکمہ موسمیات ارلی وارننگ سینٹر کی جاری پیش گوئی کے مطابق مغربی ہواؤں کا نیا سلسلہ خطے کو بدستور متاثر کررہا ہے، جس کے اثرات کے نتیجے میں شہر کے مختلف علاقوں میں آج گرج چمک کے ساتھ صبح کے وقت ہلکی بارش اور بونداباندی متوقع ہے۔

بلوچستان میں بارش برسانے والی مغربی ہوائیں داخل،موسلا دھار بارش سے ندی نالوں میں طغیانی

محکمہ موسمیات کے مطابق دیہی سندھ کے اضلاع تھرپارکر، بدین، ٹھٹھ، میرپورخاص، سجاول ،ٹنڈو محمد خان میں بھی گرج چمک کے ساتھ ہلکی بارش اور بونداندی ہوسکتی ہے جبکہ جیکب آباد،قمبرشہداد کوٹ،شکارپور،لاڑکانہ،دادو،جامشورو،سکھر،گھوٹکی، کشمور ،شکار پور،سانگھڑ میں گرج چمک کے ساتھ ہلکی سے درمیانی شدت کی بارش ہونے کا امکان ہے۔

دوسری جانب بلوچستان میں بارش برسانے والی مغربی ہوائیں داخل ہوگئیں مکران ،زیارت ،قلات ، قلعہ عبداللہ ،ہرنائی، سوراب، پنجگور، گوادر ،واشک سمیت کئی دیگر علاقوں میں رات گئے سے وقفے وقفے کے ساتھ بارش کا سلسلہ جاری ہے مختلف علاقوں میں ہونے والی بارشوں سے ندی نالوں میں طغیانی ہوئی جس کے باعث آمد و رفت کے راستے بند ہوگئے کوئٹہ اور سبی کا زمینی رابطہ منقطع ہو گیا قلعہ عبداللہ شہرکے قریب ماچکہ اور باغک ندی میں بھی طغیانی آ گئی –

انڈونیشیا فیفا انڈر 20 ورلڈکپ کی میزبانی سے محروم

چمن میں بارش کے باعث ندی نالوں میں پانی کا بھاؤ بڑھ گیا جس کے باعث راستوں کو بند کردیا گیا ہے جبکہ مستونگ میں بھی نشیبی علاقے زیر آب آگئے بلوچستان کی وادی بولان کے علاقے ڈھاڈر میں سیلابی ریلے این 65 قومی شاہراہ پر قائم عارضی پل کو بہا لے گیا، جس کی بحالی میں چوبیس گھنٹے لگ سکتے ہیں۔