ممتاز حیدر
اسلام آباد(محمد اویس)سینیٹ کی قائمہ کمیٹی موسمیاتی تبدیلی میں حکام نے انکشاف کیا کہ سندھ میں 20لاکھ لوگ ایسی جگہوں پر رہتے ہیں جہاں سیلاب آتے ہیں ۔
سینیٹ کی قائمہ کمیٹی برائے موسمیاتی تبدیلی کا اجلاس قائمقام چیئرپرسن سینیٹر قرۃ العین مری کی زیر صدارت پارلیمنٹ ہاوس میں ہوا۔اجلاس میں پاور ڈویژن کے حکام کی طرف سے ریونیوبل انرجی پر قائمہ کمیٹی کو بریفنگ دی گئی حکام نے بتایا کہ ریونیوبل انرجی کے پانچ ہزار میگاواٹ کے منصوبے زیر تعمیر ہیں۔2030 تک 53 فیصد توانائی کا حصول ریونیوبل انرجی پر شفٹ ہوجائے گا، 19 ہزار میگاواٹ بجلی 2030 تک سسٹم میں شامل ہوجائے گی،19 ہزار سے 15 ہزار میگاواٹ پن بجلی سے پیداوار ہوگی ۔چیئرپرسن کمیٹی نے کہاکہ جس چیز کے بارے میں بریفنگ مانگی جائے گی اس کے بارے میں مکمل معلومات حکام کے پاس ہونی چاہیے یہ معلومات جو پاور ڈویزن نے دی ہیں وزارت موسمیاتی تبدیلی کے پاس ہونی چاہیے، وزارت موسمیاتی تبدیلی کو یہ معلومات کوپ میں پیش کرنے چاہیں، کمیٹی نے آئندہ اجلاس میں سیکرٹری پاور ڈویژن کو طلب کرلیا.
وزارت موسمیاتی تبدیلی حکام کی طرف سے کمیٹی کو بریفنگ دیتے ہوئے بتایا گیا کہ الیکٹرک وہیکلز پالیسی پر نظر ثانی کررہے ہیں، اس معاملہ پر وزیراعظم کو بریفنگ دی ہے، الیکٹرک وہیکل پالیسی پر بنکوں کے ساتھ ملکر فنانشل ماڈل تیار کیا جارہا ہے، الیکٹرک وہیکل پالیسی سے ماحولیاتی آلودگی کم کرنے میں مدد ملے گی، سینیٹر منظور احمد نے کہاکہ بلوچستان میں اب تک کتنا کام ہوا ہے، گرین بلوچستان کے حوالے سے کیا حکمت عملی ہے، حکام نے بتایاکہ 39 معاہدے کیے ہیں، مختلف این جی اوز کے ساتھ کام کررہے ہیں، منظور کاکڑ نے سوال کیاکہ بلوچستان میں ماحولیاتی تبدیلی نے تباہی مچائی ہے، وزارت کے پاس کوئی پروگرام ہے، جو لوگوں کو ریلیف دے، لوگوں کے بلوچستان میں گھر تباہ ہوئے ہیں، لوگ بے گھر ہوئے ہیں، زراعت کا نظام تباہ ہوگیا، کیا آپ کے پاس کوئی پروگرام ہے جو لوگوں کو ریلیف فراہم کرے،آپ نے بلوچستان میں این جی اوز یا دیگر ایجنسیوں کے ساتھ جو کام کیا ہے، اس کا مکمل ڈیٹا فراہم کردیں، حکام وزارتِ موسمیاتی تبدیلی نے بتایا کہ ریچارج پاکستان کے نام سے ایک پراجیکٹ شروع ہو گیا ہے ، صوبے کے اپنے پی ایس ڈی پی میں بھی اس کو دیکھا جاتا ہے ، باقی بھی اداروں میں دیکھا جاتا ہے ہم سڑکیں اور اسکول نہیں بناتے ، ہم واٹر مینجمنٹ پر کام کرتے ہیں 20 ملیں ڈالر کا ایک پراجیٹ ہمارا منظور ہو گیا۔حکام نے بتایا کہ ہم مختلف کمیونیٹیز کے ساتھ مل کر کام کرتے ہیں، اس کی معلومات اگلے اجلاس میں لے آئیں گے، بدقسمتی سے پاکستان پر موسمیاتی تبدیلی کے اثرات زیادہ مرتب ہورہے ہیں، 52 ضلع موسمیاتی تبدیلی سے متاثر ہوئے، جائزہ لے کر ڈیٹا اکٹھا کرنے کی کوشش کی ہے۔
کواڈینیٹر موسمیاتی تبدیلی رومینہ خورشید عالم نے کہاکہ فلڈز کے لیے اس بار وزیراعظم نے کمیٹی بنائی تھی، صوبوں کو بھی ان بورڈ لیا گیا، جن علاقوں میں سیلاب آیا وہاں آبادی نہیں ہونی چاہیے اس بار زیادہ نقصان نہیں ہوا کیونکہ لوگوں کو پہلے سے آگاہ کر دیا گیا تھا،۔منظورکاکڑ نے کہاکہ گلیشئیرز پگھل رہے ہیں اس پر کیا ڈیٹا ہے آپ کے پاس؟ حکام نے بتایاکہ ہمارے گلیشیئر بہتر ہورہے ہیں، بھارت کی جانب گلیشئیر پگھل رہے ہیں،پاکستان میں موسمیاتی تبدیلیوں کی وجہ سے درجہ حرارت بڑھ رہا ہے، سینیٹر بشری انجم بٹ نے کہاکہ ہر سال کچھ علاقے زیر آب آتے ہیں پھر لوگ وہاں جاکر گھر بنا لیتے ہیں اس پر کیا پالیسی ہے؟ حکام نے بتایاکہ سندھ کے دو ملین لوگ ایسی جگہوں پر رہتے ہیں۔ حکام نے بتایا کہ جتنی اہم سپیشز (مختلف انوع کے جانور)ہیں اُن کو پروٹیکٹ کرنا ہوتا ہے جن پرندوں کا شکار منع ہے ،پاکستان میں 18.5 فیصد ہیں جس میں مائیگریٹ ہونے والے پرندوں کو پروٹیکٹ کیا جاتا ہے ، غیر قانونی شکار کا ریکارڈ صوبوں کے پاس موجود ہے (محمداویس
میڈیا میں شائع ہونے والا ڈرافٹ اصل نہیں ہے۔
تحریک انصاف (پی ٹی آئی) نے آئینی ترمیم کے مسودے پر کوئی رضامندی ظاہر نہیں کی
آئینی ترامیم جمہوریت پر حملہ،سیاسی جماعتوں کو شرم آنی چاہیے،علی امین گنڈا پور
آئینی عدالتیں عالمی ضرورت ہیں، انوکھا کام نہیں کر رہے: بیرسٹر عقیل ملک
آئینی ترمیم کی ناکام کوشش: حکومت اور اتحادیوں میں اختلافات نمایاں، بیر سٹر علی ظفر
پیپلز پارٹی اور مولانا فضل الرحمان کی آئینی ترمیم پر بات چیت جاری ہے،خورشید شاہ
سپریم کورٹ میں مجوزہ آئینی ترامیم کو کالعدم قرار دینے کی درخواست دائر
