سندھ میں کرونا مریضوں و ہلاکتوں میں اضافہ، وزیراعلیٰ نے بتائے اعدادوشمار

سندھ میں کرونا مریضوں و ہلاکتوں میں اضافہ، وزیراعلیٰ نے بتائے اعدادوشمار

باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کہا ہے کہ آج سندھ میں 2ہزار599ٹیسٹ کیے گئے،287 نئے کیسز سامنے آئے

وزیراعلیٰ سندھ کا کہنا تھا کہ کوروناوائرس سے آج سندھ میں 3مریض انتقال کرگئے،سندھ میں کورونا وائرس کے کیسزکی تعداد4ہزار232 ہوگئی،جاں بحق افراد کی تعداد78 ہوگئی ہے،اس وقت3ہزار352مریض زیرعلاج ہیں،2ہزار146مریض گھروں میں زیرعلاج ہیں، 767 افراد آئسولیشن سنٹرزاور439اسپتالوں میں ہیں،

وزیراعلیٰ سندھ سید مراد علی شاہ کا مزید کہنا تھا کہ آج 30مریض صحتیاب ہوکر اپنے گھروں کو جا چکے ہیں،صحتیاب ہونے والوں کی تعداد 802 ہوگئی ہے،کراچی ضلع وسطی میں 32 نئے کیسز آئے ہیں،ضلع شرقی میں 57 کیسز آئے ہیں،ضلع جنوبی میں 79 کیسز آئے ہیں ضلع غربی میں 18 کیسز آئے ہیں،ملیرمیں 8 نئے کیسز آئے ہیں،کورنگی میں کورونا وائرس کے 5 نئے کیسز آئے ہیں،

وزیراعلیٰ سندھ سید مراد علی شاہ کا مزید کہنا تھا کہ لاڑکانہ میں 17 نئے کیسز سامنے آئے ہیں ،حیدر آباد 13، شکار پور11 اورسکھر میں 7نئےکیسزسامنے آئے ہیں،عوام سے اپیل ہے کہ وہ گھروں میں رہیں اور گھرون میں ہی عبادت کریں

واضح رہے کہ پاکستان میں کرونا وائرس سے جاں بحق افراد کی تعداد 253 ہوگئی جبکہ مزید نئے کیسز سامنے آنے سے مصدقہ مریضوں کی تعداد 11940 تک جا پہنچی ہے۔