باغی ٹی وی کی رپورٹ کے مطابق وزیراعلیٰ سندھ سید مراد علی شاہ نے کورونا وائرس کی صورتحال سے متعلق کہا ہے کہ گذشتہ 24 گھنٹوں میں 1439 نئے کیسز سامنے آئے ہیں، آج مزید 23 مریض کورونا کے باعث انتقال کرگئے،
وزیراعلیٰ سندھ سید مراد علی شاہ کا کہنا تھا کہ اس وقت 358 مریضوں کی حالت تشویشناک ہے، 64 مریض وینٹی لیٹرز پر ہیں، آج 953 مریض صحتیاب ہوکر گھروں کو چلے گئے،
وزیراعلیٰ سندھ سید مراد علی شاہ کا مزید کہنا تھا کہ گذشتہ 24 گھنٹوں میں 5454 ٹیسٹ کئے گئے جس میں 1439 کیسز آئے، ابتک 192546 ٹیسٹ کئے گئے، جس میں 31086 مریض ظاہر ہوئے ہیں، آج 23 مریضوں کے انتقال سے جان بحق ہونے والوں کی تعداد 526 ہوگئی ہے، اس وقت 15022 مریض زیرعلاج ہیں، 13813 مریض گھروں اور 111 آئسولیشن مراکز پر زیرعلاج ہیں، اس وقت 1098 مریض مختلف اسپتالوں میں زیرعلاج ہیں، آج 953 مزید مریض صحتیاب ہوگئے،
وزیراعلیٰ سندھ سید مراد علی شاہ کا مزید کہنا تھا کہ سندھ میں ابتک 15538 مریض صحتیاب ہو چکے ہیں، صوبہ بھر کے 1439 کیسز میں سے کراچی میں 1035 نئے کیسز رپوٹ ہوئے، کورنگی میں 263، ضلع شرقی میں 242 اور ضلع وسطی 166مزید کیسز ظاہر ہوئے، ضلع جنوبی میں 167، ملیر میں 139 اور غربی میں 58 نئے کیسز سامنے آئے ہیں، لاڑکانہ میں 50، حیدرآباد میں 47 اور سکھر میں 40 نئے کیسز رپورٹ ہوئے، خیرپور میں 33، گھوٹکی میں 27اور شہید بینظیرآباد میں 17 مزید کیسز ظاہر ہوئے،
وزیراعلیٰ سندھ سید مرادعلی شاہ کا مزید کہنا تھا کہ بدین میں 15، سانگھڑ میں 13 اورجامشورو میں 9 نئے کیسز سامنے آئے، قمبر میں 6جبکہ سجاول اور شکارپور میں 5،5 مزید کیسز رپورٹ ہوئے، جیکب آباد اور دادو 3،3 جبکہ کشمور میں 2 نئے کیسز ظاہر ہوئے، مٹیاری، ٹنڈومحمد خان اور عمر کوٹ میں ایک ایک کورونا کیس رپورٹ ہوا ،
وزیراعلیٰ سندھ سید مراد علی شاہ نے عوام سے اپیل کرتے ہوئے کہا کہ لاک ڈائون میں دی گئی سہولیات کا غیرضروری فائدہ نہ اٹھائیں، * عوام کی صحت حکومت کی ترجیح ہے، ایس او پیز پر سہی عمل نہ کرنے سے کیسز بڑھتے جارہے ہیں ، وزیراعلیٰ سندھ نے عوام کو اپیل کی کہ ایس او پی پر عمل کر کے اپنی صحت کو یقینی بنائیں
