لاہور: پاکستان کے مقبول گلوکار اسد عباس انتقال کرگئے۔
باغی ٹی وی : ضلع ستیانہ سے تعلق رکھنے والے سنگیت آئیکون وِنر، لکس میوزک ایوارڈ یافتہ، میکال حسن بینڈ کے سابق گلوکار اور کوک اسٹوڈیو 6 میں اپنی آواز کا جادو جگانے والے پاکستانی گلوکار اسد عباس کے انتقال کی تصدیق ان کے بھائی حیدر عباس نے کی ہے
اسد عباس گزشتہ 7 سال سے گردوں کے عارضے میں مبتلا تھے، اور حالیہ دنوں میں کسمپرسی کی حالت میں زندگی گزار رہےتھےگلوکار کے خاندانی ذرائع نے بتایا کہ گزشتہ رات اسد عباس کی طبیعت بگڑنے کی وجہ سے وہ کومے میں چلے گئے تھے۔
نگران وزیراعلیٰ محسن نقوی نے گلوکار اسد عباس کے انتقال پر دکھ اور افسوس کا اظہار کیا ہے اور مرحوم کے اہل خانہ سے دلی ہمدردی و اظہار تعزیت کیا ہے۔
خواتین اداکاروں کے خلاف سوشل میڈیا پر جھوٹی مہم کیس کی سماعت ملتوی
واضح رہے کہ گلوکار اسد عباس نے ” کدی آ مل سانول یار وے ” گانے سے شہرت کی بلندیوں کو چھوا سال 2021 میں نشر ہونے والے مقبول ترین ڈرامہ رقص بسمل کا ٹائٹل سانگ اسد عباس نے ہی گایا تھا جسے شائقین نے بہت پسند کیا تھا، اسد عباس نے کوک اسٹوڈیو کے سیزن 6 میں فریحہ پرویز کے مدمقابل گانے ’ماہی گل‘ کے لیے نظر آئے جوکہ ’راگ ملہار‘ پر مبنی ایک لوک گانا ہے،یہ گانا سیزن کے سب سے زیادہ سراہے جانے والے گانوں میں شامل تھا اور یہ بہت سے بین الاقوامی فنکاروں کی میزبانی کرنے والا پہلا گانا تھا-
ہمایوں سعید ، عدنان صدیقی و دیگر کے جشن آزادی کے خصوصی پیغامات
