امیر جماعت اسلامی سراج الحق نے خانیوال میں جلسے سے خطاب کرتے ہوئے کہا کہ خانیوال میں عظیم الشان جلسے کے انعقاد پر کارکنوں کا شکرگزار ہوں،پاکستان میں غریب آدمی کا جینا مشکل کر دیا گیا ہے ،شجاع آباد سے تعلق رکھنے والے پانچ بھائیوں کو تربت میں قتل کر دیا گیا ہے،انھیں انصاف نہیں مل رہا ان کی ماں بے یار و مدد گار رو رہی ہیں۔ امیر جماعت اسلامی نے کہاکہ اس ملک میں انصاف نام کی کوئی چیز نہیں،غریب آدمی کی چیخیں آسمان تک پہنچ رہی ہیں حکمرانوں سرمایہ کاروں کو نہیں سن رہی،مزدور کارخانوں میں محنت کرتا ھے فائدہ کارخانے کا مالک کو ہوتا ے،75 سال گزر گئے یہی جاگیر دار اور سرمایہ دار ملک پر مسلط ہے،سیاسی جماعتوں میں موروثی سیاست چل رہی ہے،ان جاگیرداروں نے انگریزوں کے بوٹ پالش کئے، انگریزوں کی خدمت کر کے جاگیرداری حاصل کی ،چند خاندانوں نے ملک کو یرغمال بنا رکھا ہے،جماعت اسلامی چاہتی ہے کہ ظالموں کا خاتمہ ہو جائے،جماعت اسلامی مافیاز کے خلاف لڑ رہی ہے،عوام کو اس نظام کو بدلنے کو تیار ہونا چاہئے ، کب تک ان جاگیرداروں کی غلامی کرتے رہے گے ،حکمران وہ ہونا چاہئے جو چور نہ ہو ۔ڈاکو نہ ہو ۔غنڈہ نہ ہو،جماعت اسلامی واحد جماعت ہے جس کے کسی لیڈر پر کوئی کرپشن کا الزام نہیں ہے،غریب کے بچے کو بھی بہتر تعلیم ملے ،آج پاکستان کا قومی نشان کشکول بن گیا ہے،پیپلز پارٹی ،مسلم لیگ ن اور پی ٹی آئی نے ملک برباد کیا۔
Shares:
