وزیرِ اعظم شہباز شریف نے بجلی کے شعبے میں مالی نقصان کا باعث بننے والی جینکوز کی نیلامی کے دوسرے اور تیسرے مراحل کو جلد مکمل کرنے اور ملک بھر میں اسمارٹ الیکٹرک میٹر کی تنصیب مکمل کرنے کی ہدایت جاری کر دی ہے۔
یہ ہدایات وزیرِ اعظم کی زیر صدارت بجلی شعبے کی اصلاحات پر جائزہ اجلاس میں دی گئیں، جس میں وفاقی وزراء، مشیران، نیشنل کوارڈینیٹر پاور ٹاسک فورس اور متعلقہ اعلیٰ حکام نے شرکت کی۔اجلاس میں بجلی کے شعبے میں جاری اصلاحات اور ان سے حاصل ہونے والے فوائد کی تفصیلی بریفنگ دی گئی۔
وزیرِ اعظم نے کہا کہ بجلی کے شعبے میں اصلاحات کا مقصد عوام کو ریلیف فراہم کرنا اور صنعتوں کو بلا تعطل بجلی کی فراہمی یقینی بنانا ہے۔انہوں نے نیلامی کے عمل کو شفاف بنانے کے لیے دیگر نجکاری پروگرامز کی طرح اس کا براہ راست میڈیا پر نشر کرنے کی ہدایت بھی دی۔
شہباز شریف نے اسمارٹ میٹرز کی تنصیب کے حوالے سے بھی جلد رپورٹ پیش کرنے کا کہا تاکہ صارفین کو بہتر خدمات فراہم کی جا سکیں۔
ایران کا جوہری بحران امریکا کی یکطرفہ پالیسیاں ہیں،اقوام متحدہ میں چین کا موقف
عالمی مارکیٹ میں کمی کے بعد پاکستان میں سونے کی قیمت میں بڑا ریلیف
سی پی ایل: شاہ رخ خان کی ٹیم میں پاکستانیوں کی شمولیت، بھارتی انتہاپسند برہم
پینٹاگون کی رپورٹ سے ٹرمپ کو دھچکا، ایرانی تنصیبات کی مکمل تباہی کا دعویٰ غلط قرار
