پشاور: پاکستان ٹیلی کمیونیکیشن اتھارٹی (پی ٹی اے) نے پشاور ہائیکورٹ میں سوشل میڈیا اکاؤنٹس پر غیر اخلاقی مواد سے متعلق رپورٹ جمع کرادی۔
باغی ٹی وی : پی ٹی اے کے مطابق 2020 سے اب تک 1 لاکھ 14 ہزار 15 غیر اخلاقی مواد ٹک ٹاک پر اپ لوڈ ہوئے، ایک لاکھ 13 ہزار 133 اکاؤنٹس بلاک کیےگئے، 2 ہزار 463 مواد مذہب کے خلاف اپ لوڈ ہوئے جنہیں بلاک کیا گیا، رواں سال 25 ہزار 267 غیر اخلاقی مواد ٹک ٹاک پر اپ لوڈ ہوئے، رواں سال 24 ہزار 800 اکاؤنٹس کو بلاک کیا گیا-
فیس بک، انسٹاگرام، یوٹیوب، ایکس(ٹیوٹر) اور دیگر سوشل میڈیا اکاؤنٹس پر 13 لاکھ 89 ہزار 181 غیر اخلاقی مواد اپ لوڈ ہوا جس میں سے 13 لاکھ 3 ہزار 578 لنکس بلاک کئے گئےفیس بک کے 1 لاکھ 47 ہزار 579، انسٹاگرام پر 22 ہزار 357، اسنیک ویڈیو پر 6 ہزار 728 268، ٹک ٹاک کے 1 لاکھ 25 ہزار 600، یوٹیوب کے 53 ہزار 162، ایکس پر 53 ہزار 842 لنکس بلاک کے گئے۔
واضح رہےکہ ٹک ٹاک بندش سے متعلق کیس میں عدالت نے پی ٹی اے سے جواب طلب کیا تھا۔
