سوشل میڈیا پرمقامی قوانین کے مبینہ غلط استعمال پرسات دوست ممالک میں 210 پاکستانی گرفتارکرلئے گئے.
باغی ٹی وی کے مطابق جیلوں میں بند پاکستانی شہری زیادہ ترلیبررز ہیں۔ تمام اعدادوشمارمتعلقہ پاکستانی سفارتکاروں سے حاصل کئے ہیں، سفارتی ذرائع کا کہنا ہے کہ ان پاکستانیوں پرفلسطین میں جاری ظلم پرمتنازعہ پوسٹ کرنے، لائیک کرنے اور شئیرکرنے کا الزام تھا۔ رپورٹ کے مطابق 89 پاکستانی شہری دوست ملک متحدہ عرب امارات میں گرفتار کیے گئے،78 پاکستانی سوشل میڈیا پر متنازعہ مواد شئیر کرنے کے الزام میں سعودی عرب کی جیلوں میں ہیں۔
رپورٹ کے مطابق اکیس پاکستانی عمان میں گرفتار کئے گئے ہیں،نو پاکستانی بحرین میں گرفتارکئے گئے،سات پاکستانی ایران میں گرفتارکیے گئے ہیں۔چھ پاکستانی چین میں سوشل میڈیا کا غلط استعمال کرنے پرجیل میں ہیں۔
