وفاقی وزیر اطلاعات عطاءاللہ تارڑنے کہا ہے کہ وزیراعظم محمد شہباز شریف نے امن و امان کے حوالے سے گزشتہ روز اعلیٰ سطحی اجلاس کی صدارت کی،
وزیر اطلاعات عطا تارڑ کا کہنا تھا کہ اجلاس میں سیکورٹی ایجنسیوں کے سربراہان، پنجاب اور سندھ حکومتوں کے چیف سیکریٹریز اور آئی جی صاحبان بھی شریک ہوئے،ریاست کی طرف سے فیصلہ کیا گیا کہ انتشار اور تشدد کی کسی کو اجازت نہیں دی جائے گی،ملک ترقی کر رہا ہے، معاشی اشاریئے مثبت ہو رہے ہیں،سٹاک ایکسچینج ایک لاکھ کی حد عبور کر چکی، زرمبادلہ کے ذخائر میں اضافہ ہو رہا ہے، مہنگائی کم ہو کر 6.9 فیصد پر آ گئی ہے، پاکستان میں سات ماہ کے دوران کئی ممالک کے وفود نے دورے کئے،سعودی عرب، متحدہ عرب امارات کے وفود، ملائیشیا کے وزیراعظم پاکستان آ چکے ہیں بیلاروس کے صدر پاکستان کے دورے پر آئے، کئی معاہدوں پر دستخط ہوئے،پاکستان نے ایس سی او سربراہ کانفرنس کا انعقاد کیا، پی آئی اے کی یورپ کے لئے پروازوں کی بحالی پاکستان کے لئے اچھی خبر ہے،روٹس کھلنے سے پی آئی اے کا ریونیو بڑھے گا، پی آئی اے اپنا کھویا ہوا مقام حاصل کر سکے گا، زرمبادلہ کے ذخائر 11 ارب ڈالر سے تجاوز کر گئے ہیں،پاکستان کی معیشت بہتری کی راہ پر گامزن ہے،وزیراعظم شہباز شریف کی قیادت میں دن رات محنت ہو رہی ہے،ہمیں جب یہ ملک ملا تو ڈیفالٹ کے دھانے پر تھا، ہم نے کسی پر الزامات نہیں لگائے، ملک کی فلاح و بہبود کے لئے دن رات کام کیا، شہباز شریف کا مشن تھا کہ ملک کی اکانومی کو ٹھیک کرنا ہے، ایم ڈی آئی ایم ایف کے الفاظ تھے کہ شہباز شریف نہ ہوتے تو پاکستان ڈیفالٹ کر جاتا،
وزیر اطلاعات عطا تارڑ کا مزید کہنا تھا کہ بڑا افسوس ہوتا ہے کہ لاشوں پر سیاست کی جا رہی ہے،پہلے کہا گیا کہ سنائپر شاٹ مارے گئے، پھر کہا گیا کہ براہ راست فائرنگ کی گئی،تین روز گذر گئے، تحریک انصاف فائرنگ کی ایک ویڈیو بھی نہیں پروڈیوس کر سکی،کیا وجہ ہے کہ براہ راست فائرنگ کا کوئی ثبوت نہیں ہے؟، یہ لوگ پرانی تصاویر سوشل میڈیا پر شیئر کر رہے ہیں،انہوں نے 2019ءکی فوٹیج شیئر کیں،پی ٹی آئی والوں نے غزہ کے اندر اسرائیلی مظالم کی تصاویر سوشل میڈیا پر شیئر کر دیں، شہید ہونے والے رینجرز، پولیس اہلکاروں کی تصاویر تو انہوں نے نہیں لگائیں،بانی چیئرمین پی ٹی آئی کا ملتان میں چند سال جلسہ تھا، اس میں 12 لوگ مرے، یہ اتنے بے حس شخص ہیں کہ یہ اپنی تقریر کئے بغیر گھر نہیں گئے،تحریک انصاف لاشوں کا جھوٹا بیانیہ چلا رہی ہے، یہ کوئی شواہد نہیں لا سکے، انہوں نے ایک تصویر شائع کی جس میں بلیو ایریا کی پوری سڑک کو خون میں لت پت دکھایا ہے،جب یہ لوگ جوتے، کپڑے اور گاڑیاں چھوڑ کر بھاگے تو ہم نے اس سڑک کا ایک ایک کونہ دکھایا،پی ٹی آئی لاشوں سے متعلق پرانی ویڈیوز اور تصاویر سوشل میڈیا پر چلا رہی ہیں،مظاہرین پر فائرنگ ہوئی نہ کہیں خون دیکھا گیا،پی ٹی آئی میں اقتدار کی جنگ چل رہی ہے،تاجروں اور کاروباری حضرات کا یومیہ 190 ارب روپے کا نقصان ہوا ہے،جعلی پوسٹوں پر فیک کی اسٹیمپ لگوا رہے ہیں، جعلی پوسٹوں کی جانچ پڑتال کے لئے سیل بنایا گیا ہے، جعلی پوسٹوں کا ایک ہی مقصد ہے کہ خفت اور شرمندگی مٹائی جائے، ان کے ساتھ لوگ نہیں نکلے، لوگوں نے ان کی کال مسترد کی، لاشوں کے جھوٹے بیانیہ سے معیشت ڈی ریل نہیں ہوتی، جو لوگ پکڑے گئے ہیں ان کا سپیڈی ٹرائل ہوگا، انہیں منطقی انجام تک پہنچایا جائے گا، جن لوگوں نے لاشوں کے غلط اعداد و شمار شیئر کئے ہیں، انہیں ثبوت دینا ہوگا،علی امین گنڈاپور دو مرتبہ موقع سے بھاگے ہیں، موقع سے بھاگنے والوں کو حق نہیں ہوتا کہ وہ بھڑکیں ماریں، یہ ایکسپوز ہو چکے ہیں، ان کا ملک دشمن ایجنڈا کھل کر سامنے آ چکا ہے،
