لاہور: وزیر اعلیٰ پنجاب مریم نواز نے عالمی یوم خواتین برائے سفارتکاری کے موقع پر اپنے پیغام میں کہا کہ سفارتکاری میں خواتین کا کردار امن کو فروغ دینے میں اہم ہے۔
وزیر اعلیٰ مریم نواز نے عالمی یوم خواتین برائے سفارتکاری کے موقع پر اپنے پیغام میں کہا ہے کہ خواتین کی قیادت اور نقطہ نظرسفارتی کوششوں میں ہمدردی اور استقامت کی ایک منفرد اور ضروری جہت لاتا ہے آج کا دن دنیا بھر کی خواتین سفارت کاروں کی غیر معمولی خدمات کے اعتراف کے لئے منایا جاتا ہے یہ دن ہمیں سفارتی میدان میں صنفی مساوات کے لئے کئے گئے اقدامات کی یاد دلاتا ہے خواتین کو تمام شعبوں میں آگے بڑھنے کے یکساں مواقع میسر ہیں۔
پاکستان کرکٹ اور سایہ کارپوریشن کی ہائی جیکنگ
وزیر اعلیٰ مریم نواز نے کہا کہ پنجاب حکومت خواتین کو بااختیار بنانے اور صنفی مساوات کو فروغ دینے کے لئے پرعزم ہے معاشر تی ترقی خواتین کی ترقی کے ساتھ گہرائی سے منسلک ہے،پاکستان کی معروف سفارت کار ڈاکٹر ملیحہ لودھی اور دیگر نے سفارتی کامیابیوں میں نمایاں کردار ادا کیاخواتین کو سفارتکاری اور بین الاقوامی تعلقات میں کیریئر اختیار کرنا چاہیے۔
صدر مملکت کی سپریم کورٹ میں تین ججوں کی تقرری کی منظوری
