فرزندِ سیالکوٹ مادر وطن کی حفاظت کرتے ہوۓ گزشتہ روز وزیرستان میں شہید،پورے فوجی اعزازکیساتھ سپرد خاک

سیالکوٹ،باغی ٹی وی( سٹی رپورٹر شاہد ریاض )فرزندِ سیالکوٹ مادر وطن کی حفاظت کرتے ہوۓ گزشتہ روز وزیرستان میں شہید،پورے فوجی اعزازکیساتھ سپرد خاک
تفصیل کے مطابق چوہدری انور پسوال وزیرستان میں مادر وطن کی حفاظت کرتے ہوۓ گزشتہ روز شہید، ہوگۓ تھے ،آبائی گاؤں بجوات میں شہید کی نماز جنازہ ادا کردی گئی.وزیرستان میں پاکستان کی دھرتی کی حفاظت کرتے دہشتگردوں کی فائرنگ سے شہید ہوئے والے وطن کے بیٹے چوہدری انور پسوال شہید کا تعلق سیالکوٹ کے علاقہ بجوات پل بجواں سے ہے. شہید کو انکے آبائی گاؤں میں پورے فوجی اعزاز کیساتھ ہزاروں کی تعداد میں فرزندان اسلام کی موجودگی میں بعد نماز جنازہ سپرد خاک کردیا گیا.
اس دوران شہید کے اہل خانہ کو پرچم اور شہید کی وردی و دیگر سامان پیش کیا گیا. شہید چوہدری انور پسوال کے جسد خاکی کو جب لایا گیا تو سیالکوٹ کے علاقہ بجوات کی فضائیں درود شریف اور نعرہ تکبیر کے نعروں سے جھوم اٹھیں. شہید کی ایمبولینس پر شہریوں نے پھولوں کی پتیاں نچھاور کیں اور ساتھ موجود آفیسران و فوجیوں کو بھی انتہائی عقیدتوں کے پھول نچھاور کئے. اس موقع پر شہید کیلئے اسکے لواحقین عزیز دوستوں کیجانب سے انتہائی رقت انگیز مناظر بھی دکھائی دئیے. لواحقین کا کہنا تھا کہ وطن کے بیٹے نے مادر وطن پر جان قربان کرکے ہمارا سر فخر سے بلند کردیا ۔اللہ پاک شہید کے درجات کو بلند سے بلند تر فرمائے۔