عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی قیمتوں میں نمایاں اضافہ ہوگیا ہے۔
میڈیا رپورٹ کے مطابق عالمی مارکیٹ میں سونے کی قیمتوں میں اضافہ ہونے کے باعث پاکستان میں بھی دو روز میں سونے کی فی تولہ قیمت میں 3 ہزار900 روپے جبکہ 10 گرام سونے کی قیمت میں بھی 3344 روپے اضافہ ہوگیا ہے۔ملک میں آج فی تولہ سونے کی قیمت میں 1600 روپے کا اضافہ ہوا ہے۔ فی تولہ سونے کی قیمت بڑھنے کے بعد مقامی صرافہ بازاروں میں نئی قیمت 2 لاکھ 90 ہزار300 روپے ہوگئی ہے۔ اسی طرح دس گرام سونے کی قیمت بھی پھر بڑھ گئی ہے۔ 10 گرام سونے کی قیمت میں ایک ہزار 372 روپے کا اضافہ ہوا ہے۔
نئی قیمت 2 لاکھ 48 ہزار 885 روپے کی سطح پر پہنچ گئی۔ دوسری جانب گورنر اسٹیٹ بینک جمیل احمد نے کہا ہے کہ پالیسی ریٹ 22 سے 10 فیصد کم ہو کر 12 فیصد پر آگیا ہے۔
گورنر اسٹیٹ بینک جمیل احمد نے تقریب سے خطاب کرتے ہوئے کہا ہے کہ ہم جب بھی پالیسی بناتے ہیں تو مسائل کو سامنے رکھتے ہیں، دنیا میں کوویڈ کے مسائل آئے تو ہم نے ان کے حل کے لیے کوشش کی، پوسٹ کوویڈ پیریڈ میں اکانومی میں تیزی سے گروتھ آئی۔ انہوں نے کہا کہ 2022 میں سیلاب کے باعث کافی مشکلات آئیں، پالیسی ریٹ 22 سے 10 فیصد کم ہو کر 12 فیصد پرآگیا ہے، ہم ایکسپورٹرز کو ہر صورت مکمل سہولتیں دینا چاہتے ہیں، کسی بھی فیصلے کا مقصد معیشت کو مضبوط کرنا ہے۔ گورنر اسٹیٹ بینک نے کہا کہ پچھلے ماہ مہنگائی بڑھنے کی شرح 4.1 فیصد تھی اس ماہ بھی کم ہوگی، بزنس کمیونٹی کے تعاون سے معاشی مسائل حل ہوئے۔
ڈرامائی موسمی تبدیلیاں، تھر صحرا قصہ پارینہ بن جائے گا
سری لنکا کیخلاف جوش انگلس کی ٹیسٹ ڈیبیو پر تیز ترین سنچری
افغانستان سے مذاکرات کے لیے پختونخوا حکومت کا وفد بھیجنے کا فیصلہ