سونے کی قیمت میں آج پھر بڑا اضافہ

سونے کی قیمتوں میں آج بھی 2 ہزار 500 روپے کا بڑا اضافہ ریکارڈ کیا گیا ہے، جس کے بعد 24 قیراط سونے کے فی تولہ نرخ 2 لاکھ 80 ہزار 500 روپے تک پہنچ چکے ہیں۔

سرکاری خبر رساں ادارے اے پی پی کی رپورٹ کے مطابق 24 قیراط 10 گرام سونے کی قیمت بھی 2 ہزار 143 روپے بڑھ کر 2 لاکھ 40 ہزار 483 روپے ریکارڈ کی گئی ہے۔اسی طرح 22 قیراط 10 گرام سونا 2 لاکھ 20 ہزار 443 روپے میں فروخت ہوا۔رپورٹ کے مطابق چاندی کی فی تولہ اور 10 گرام قیمت بالترتیب 3 ہزار 450 روپے اور 2 ہزار 957 روپے پر مستحکم رہی۔دوسری طرف عالمی مارکیٹ میں بھی سونے کے نرخ بڑھ گئے اور فی اونس سونا 25 ڈالر بڑھ کر 2 ہزار 693 ڈالر پر فروخت ہوا۔واضح رہے کہ ملک بھر میں مسلسل 5 روز سونے کی قیمتوں میں اضافے کا سلسلہ جاری ہے، گزشتہ روز (21 نومبر) فی تولہ سونا مزید 3 ہزار 700 روپے مہنگا ہو کر 2 لاکھ 78 ہزار روپے تک پہنچ گیا تھا۔20 نومبر کو فی تولہ سونے کی قیمت 800 روپے بڑھ کر 2 لاکھ 74 ہزار 300 روپے تک جا پہنچی تھی۔19 نومبر کو فی تولہ سونے کے نرخ مزید 3 ہزار 600 روپے بڑھ کر 2 لاکھ 73 ہزار 500 روپے تک پہنچ گئے تھے۔

جمعیت سندھ کا اجلاس، آل پارٹیز کانفرنس سے آگاہی

سعودی عرب سے میرے مثالی تعلقات تھے،عمران خان

افغان مہاجرین کی بے دخلی ،سماعت غیر معینہ مدت تک کیلئے ملتوی