کئی روز سے جاری اضافے کے بعد آج ملک بھر میں فی تولہ سونے کی قیمت میں 3 ہزار روپے کی بڑی کمی دیکھی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت 3 ہزا روپے تنزلی سے 3 لاکھ 4 ہزار روپے ریکارڈ کی گئی ہے۔اسی طرح 24 قیراط کے حامل 10 گرام سونے کے دام 2 ہزار 571 روپے گر کر 2 لاکھ 60 ہزار 630 روپے ہو گئے، جبکہ 22 قیراط 10 گرام سونا 2 ہزار 359 روپے کمی سے 2 لاکھ 38 ہزار 919 روپے میں فروخت ہوا۔ادھر، چاندی کی فی تولہ اور 10 گرام قیمت بالترتیب 3 ہزار 369 روپے اور 2 ہزار 888 روپے رہی۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 28 ڈالر تنزلی سے 2 ہزار 893 ڈالر ریکارڈ کی گئی۔واضح رہے کہ گزشتہ روز 24 قیراط فی تولہ خالص سونے کے نرخ 700 روپے اضافے سے 3 لاکھ 7 ہزار روپے تک جا پہنچے تھے۔اسی طرح 24 قیراط 10 گرام سونا 601 روپے مہنگا ہو کر 2 لاکھ 63 ہزار 203 روپے میں فروخت ہوا تھا جبکہ 22 قیراط 10 گرام سونے کے دام 551 روپے اضافے سے 2 لاکھ 41 ہزار 278 روپے رہے تھے۔
اسلام آباد: پرائس کنٹرول کمیٹی کا اجلاس، وزیر اعظم کی ہدایات پر سخت اقدامات کا فیصلہ
اختیار ولی وزیر اعظم شہباز شریف کا کوآرڈینیٹر برائے خیبر پختونخوا مقرر
