سونے کی قیمتوں میں چند روز سے جاری کمی رک گئی اور آج فی تولہ سونا مہنگا ہو گیا۔
آل سندھ صرافہ جیولرز ایسوسی ایشن کے مطابق 24 قیراط فی تولہ سونے کی قیمت 2 ہزار 100 روپے بڑھ کر 2 لاکھ 73 ہزار 400 روپے پر ہو گئی۔اسی طرح 24 قیراط 10 گرام سونے کے نرخ ایک ہزار 800 روپے اضافے سے 2 لاکھ 34 ہزار 396 روپے ریکارڈ کیے گئے ہیں، جبکہ 22 قیراط 10 گرام سونا 2 لاکھ 14 ہزار 863 روپے میں فروخت ہوا۔ادھر، چاندی کی فی تولہ اور 10 گرام قیمتیں بالترتیب 3 ہزار 350 روپے اور 2 ہزار 872 روپے پر مستحکم رہیں۔ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 21 ڈالر اضافے سے 2,622 ڈالر ریکارڈ کی گئی ہیں۔واضح رہے کہ گزشتہ روز فی تولہ سونے کی قیمت 2 ہزار روپے تنزلی کے بعد 2 لاکھ 71 ہزار 300 روپے ہو گئی تھی، اسی طرح 10 گرام سونا 1715 روپے کمی سے 2 لاکھ 32 ہزار 596 روپے میں فروخت ہوا تھا۔19 دسمبر کو بھی فی تولہ سونے کی قیمت 2 ہزار 600 روپے کمی کے بعد 2 لاکھ 73 ہزار 300 روپے پر آ گئی تھی، جبکہ 10 گرام سونا 2 ہزار 229 روپے سستا ہو کر 2 لاکھ 36 ہزار 540 روپے پر آگیا تھا۔
علاج کے نام پر پاکستان آنیوالی افغان خاتون امریکا روانگی کے وقت گرفتار
برازیل میں ٹریفک حادثہ، 32 افراد ہلاک
