کراچی: وفاقی تحقیقاتی ادارے (ایف آئی اے) نے صرافہ مارکیٹ سے حوالہ ہنڈی میں ملوث 2 ملزمان کو گرفتار کرکے ان کے قبضے سےسونے کی 9 اینٹیں برآمد کرلیں۔
باغی ٹی وی :ترجمان ایف آئی اے کے مطابق ملزمان کو صرافہ مارکیٹ سے گرفتار کیا گیا اور ملزمان سے 9 سونے کی اینٹیں،65 لاکھ 20 ہزار پاکستانی روپے برآمد ہوئے، برآمد ہونے والے سونے کی مجموعی مالیت 2 کروڑ روپے سے زائد ہے جبکہ ملزمان سے ہنڈی حوالہ، غیر ملکی کرنسی سے متعلق ریکارڈ بھی برآمد بھی ہوا، ملزمان کے خلاف مقدمہ درج کر لیا گیا اور دیگر ملزمان کی گرفتاری کے لئے چھاپے مارے جا رہے ہیں۔
