fbpx

سونی نے نئے موبائلز کی جھلک جاری کرتے ہوئے خود کو کریٹیو انٹرٹینمنٹ کمپنی قرار دیا

سونی کمپنی نے 14 اپریل کو متعارف کرائے جانے والے نئے ایکسپیریا فونز کے حوالے سے 2 ٹیزر جاری کئے ہیں-

باغی ٹی وی : کمپنی کی جانب سے جاری کی گئی دونوں ویڈیوز میں فونز کے کیمروں اور آڈیو میں مہارت کو دکھایا گیا ہے اور کمپنی نے خود کو کریٹیو انٹرٹینمنٹ کمپنی قرار دیا ہے۔

پہلی ویڈیو سے عندیہ ملتا ہے کہ کمپنی کی جانب سے 3 نئے اسمارٹ فونز متعارف کرائے جارہے ہیں ویڈیو میں فونز کے ہارڈویئرز جیسسے ہیڈونز، کیمروں اور دیگر پروفیشنل آلات کو بھی دکھایا گیا۔

جبکہ دوسری ویڈیو میں فون کی جھلک بھی موجود ہے جس سے معلوم ہوتا ہے کہ بیک پر 3 کیمروں کا سیٹ اپ موجود ہوگا اور ایسی افواہیں کہ ان میں ایک پیری اسکوپ کیمرا بھی ہوگا ویڈیو میں اس وقت دستیاب ایکسپیریا 1 II اور ایکسپیریا پرو کو بھی دکھایا گیا ہے۔

خیال رہے کہ سونی کی جانب سے نئے فونز 14 اپریل کو متعارف کرائے جائیں گے اور یہ ایونٹ سونی کے آفیشل یوٹیوب چینیل پر لائیو اسٹریم کیا جائے گا۔

خیال کیا جا رہا ہے کہ ایکسپیریا 1 III میں 6.5 انچ کا او ایل ای ڈی ڈسپلے دیئے جانے کا امکان ہے جبکہ ایکسپیریا 10 III میں اسنیپ ڈراگون 765 جی پراسیسر اور 6 جی بی ریم جیسے فیچرز ہوں گے۔

دوسری جانب لوگوں کی جانب سے ان موبائلز کی مارکیٹ میں دستیابی کے لئے بے صبری سے انتظار کیا جارہا ہے-

جواب چھوڑیں

آپ کا ای میل ایڈریس شائع نہیں کیا جائے گا.