کولکتہ: بھارتی کرکٹ ٹیم کے سابق کپتان سارو گنگولی کی بیٹی ثناء گنگولی کی گاڑی کو ایک حادثے کا سامنا کرنا پڑا۔
یہ حادثہ جمعہ کے روز کولکتہ کے ڈائمنڈ ہاربر روڈ پر پیش آیا جب ثناء اپنی گاڑی میں سفر کر رہی تھیں۔ بھارتی میڈیا کے مطابق، اس دوران پیچھے سے ایک بس نے ان کی گاڑی کو زور دار ٹکر ماری۔حادثے کے وقت ثناء گاڑی میں موجود تھیں، جبکہ گاڑی کا ڈرائیور اسے چلا رہا تھا۔ خوش قسمتی سے، اس حادثے میں ثناء اور ان کے ڈرائیور دونوں محفوظ رہے۔حادثے کے فوراً بعد بس کا ڈرائیور گاڑی کے ساتھ فرار ہو گیا، تاہم ثناء کے ڈرائیور نے بس کا پیچھا کیا اور کچھ فاصلے کے بعد بس کو روک لیا۔ پولیس نے موقع پر پہنچ کر بس کے ڈرائیور کو حراست میں لے لیا۔
پولیس کے مطابق، بس کی ٹکر سے ثناء کی گاڑی کو معمولی نقصان پہنچا ہے، تاہم اس حادثے میں کوئی جانی نقصان نہیں ہوا۔ پولیس حکام نے بتایا کہ حادثے سے متعلق ابھی تک کسی نے باضابطہ طور پر شکایت درج نہیں کرائی۔یہ واقعہ سارو گنگولی کے لیے ایک تشویش کا باعث بن سکتا ہے، لیکن خوش قسمتی سے ان کی بیٹی اور گاڑی کے ڈرائیور دونوں محفوظ رہے۔
26 نومبر جتھے کے وفاق پر حملے پر بھی کمیشن بنا دیں؟ رانا ثناء اللہ
