پاکستان کرکٹ بورڈ (پی سی بی) نے جنوبی افریقا کے خلاف ٹیسٹ سیریز کے لیے ممکنہ قومی ٹیم کے اسکواڈ پر ابتدائی مشاورت مکمل کرلی، ٹیم کا اعلان پی سی بی سربراہ محسن نقوی کی منظوری کے بعد رواں ہفتے کیا جائے گا۔
ذرائع کے مطابق دو ٹیسٹ میچز پر مشتمل ہوم سیریز کی تیاری کے لیے قومی ٹیم کا تربیتی کیمپ 29 ستمبر سے لاہور میں لگنے کا امکان ہے۔ریڈ بال کرکٹرز کا جاری اسکلز اینڈ فٹنس کیمپ ایک سیشن کے بعد ختم ہوگیا، اب صرف ٹیسٹ میچز کے ممکنہ کھلاڑیوں کو نیا کیمپ جوائن کرنے کی ہدایت دی جائے گی۔ویسٹ انڈیز کے خلاف برابر رہنے والی سیریز کے اسکواڈ میں زیادہ تبدیلیاں متوقع نہیں۔ منتخب نہ ہونے والے کھلاڑی حنیف محمد ٹرافی کے میچز کھیلیں گے۔
ممکنہ کھلاڑیوں میں بابراعظم، عبداللہ شفیق، علی رضا، اذان اویس، کامران غلام، محمد علی، محمد حریرہ، محمد سلمان، روحیل نذیر، ساجد خان اور شمائل حسین شامل ہیں.شیڈول کے مطابق جنوبی افریقا کی ٹیم 7 اکتوبر کو پاکستان پہنچے گی۔پہلا ٹیسٹ 12 اکتوبر کو قذافی اسٹیڈیم لاہور میں کھیلا جائے گا۔دوسرا ٹیسٹ 20 اکتوبر سے راولپنڈی میں شروع ہوگا۔
ذرائع کا کہنا ہے کہ مہمان ٹیم کو سخت چیلنج دینے کے لیے اسپن ٹریک تیار کرنے کا عمل شروع کردیا گیا ہے۔ سلیکشن کمیٹی، کپتان شان مسعود اور ہیڈ کوچ اظہر محمود کی مشاورت سے فہرست مرتب کرلی گئی ہے، جسے جلد حتمی شکل دے دی جائے گی۔
ٹرمپ سے مسلم سربراہان کی ملاقات شاندار ، نتائج چند دن میں آئیں گے: خواجہ آصف
پاکستان موسمیاتی تبدیلی سے شدید متاثرہ ممالک میں شامل ہے،شہباز شریف
امریکی بحری جہاز یو ایس ایس وین ای میئر کراچی پہنچ گیا
امریکی بحری جہاز یو ایس ایس وین ای میئر کراچی پہنچ گیا
