جنوبی پنجاب کی ترقی ،پی ٹی آئی حکومت نے منصوبے پر عمل شروع کردیا،سید رفاقت علی گیلانی

0
25

لاہور:جنوبی پنجاب کی محرومیاں ختم کرنے کے لیے پی ٹی آئی کی حکومت نے اپنے منصوبے پر کام شروع کردیا ہے ان خیالات کا اظہار وزیر اعلیٰ پنجاب کے سیاسی معاون سید رفاقت علی گیلانی نے پی ٹی آئی ورکرز سے گفتگو میں کیا۔انہوں نے کہا کہ نئے بجٹ میں جنوبی پنجاب کی ترقی کیلئے 35فیصد فنڈز مختص کررہے ہیں جو ایک ریکارڈ ہے۔انہوں نے کہا کہ ماضی کی طرح عوام کو دھوکہ نہیں دیں گے،کام کریں گے۔تعلیم اور صحت کے شعبہ میں تبدیلی کے مثبت اثرات سامنے آرہے ہیں۔

معاون خصوصی وزیر اعلیٰ سید رفاقت علی گیلانی نے کہا ضلع لیہ میں تعلیمی و صحت سے وابستہ سرکرمیوں کو اجاگر کرنے کے لئے بہاؤالدین ذکریا یونیورسٹی بہادر سب کیمپس کو نئے سالانہ ترقیاتی پروگرام میں 352.613ملین روپے کی لاگت سے وسعت دی، خواتین کی تعلیمی سرگرمیوں میں تیزی لانے کے کئے کورنمنٹ وویمن کالج رانجن شاہ تحصیل کرور لعل عیسن کا 120.00ملین روپے،گورنمنٹ سپیشل ایجوکیشن سنٹر فتح پور تحصیل کرور لعل عیسن کے قیام کے لئے 16.500ملین روپے کی خطیر رقم سے قیام عمل میں لایا جائے گا۔ صحت مند معاشرہ کے قیام کے لئے کھیلوں ں کی سرگرمیاں انتہائی اہمیت کی حامل ہیں۔

تحصیل کرور لعل عیسن میں 68.420ملین روپے لاگت سے کرکٹ،ہاکی،فٹبال گراؤنڈ وواسو سٹیڈیم اور چار دیواری کی تعمیر عمل میں لائی جائے گی۔  سابق حکمرانوں نے پنجاب کے پسماندہ علاقوں کو یکسر نظر انداز کیااور ماضی کے حکمرانوں کی غلط ترجیحات کے باعث دوردراز علاقوں کے لوگوں کے مسائل میں اضافہ ہوا۔نمائشی حکمرانوں نے ذاتی نمود و نمائش کے منصوبے شروع کیے اور ان منصوبوں کا عوام کو کوئی فائدہ نہیں پہنچا بلکہ قومی وسائل ضائع کیے گئے۔

Leave a reply