اسپیکر قومی اسمبلی اور چیئرمین سینیٹ کی تنخواہ میں 600 فیصد سے زیادہ اضافہ کر دیا گیا ہے۔
باغی ٹی وی کے مطابق وزارت پارلیمانی امور کی جانب سے جاری کردہ نوٹیفکیشن میں بتایا گیا ہے کہ اسپیکر قومی اسمبلی اور چیئرمین سینیٹ کی نئی تنخواہ 13 لاکھ روپے ماہانہ مقرر کی گئی ہے۔نوٹیفکیشن کے مطابق یہ اضافہ یکم جنوری 2025 سے مؤثر ہوگا۔یاد رہے کہ اس سے قبل اسپیکر قومی اسمبلی اور چیئرمین سینیٹ کو 2 لاکھ 5 ہزار روپے ماہانہ تنخواہ دی جاتی تھی۔
جنوری میں اسپیکر ایاز صادق کی سربراہی میں قائم کمیٹی نے اراکین قومی اسمبلی اور سینیٹرز کی ماہانہ تنخواہ میں 5 لاکھ 19 ہزار روپے اضافے کی منظوری دی تھی۔اس سے پہلے اراکین پارلیمنٹ کو ایک لاکھ 80 ہزار روپے ماہانہ تنخواہ دی جاتی تھی۔ ذرائع کے مطابق اراکین اسمبلی کی تنخواہ 10 لاکھ روپے ماہانہ تجویز کی گئی تھی، تاہم اسپیکر نے اس تجویز کو مسترد کرتے ہوئے 5 لاکھ 19 ہزار روپے اضافے پر اتفاق کیا تھا۔
جاپانی کمپنی کا چاند پر بھیجے جانے والا دوسرا مشن بھی ناکام