اسپیکر کے پاس اختیار نہیں کہ وہ اسمبلی کا اجلاس بلا سکیں،بیرسٹر علی ظفر

پاکستان تحریک انصاف (پی ٹی آئی) کے سینیئر رہنما سینیٹر علی ظفر نے کہا ہے کہ صدر نے وزیراعظم کو لکھے گئے خط میں موقف اختیار کیا ہے کہ جہاں الیکشن ہوا وہاں نوٹیفکیشن ہو گا تو قومی اسمبلی مکمل ہوگی۔ اس کے علاوہ خواتین اور اقلیتوں کی بعض نشستیں نوٹیفائی نہیں کی گئیں۔ انہوں نے کہا کہ قومی اسمبلی کا اجلاس بلانے کے حوالے سے صدر مملکت کا موقف درست اور آئینی ہے۔ا نہوں نے کہاکہ پرانے اسپیکر کے پاس اختیار نہیں کہ وہ اسمبلی کا اجلاس بلا سکیں، کیونکہ اس کی آئین میں کوئی گنجائش نہیں۔واضح رہے کہ صدر مملکت عارف علوی نے گزشتہ روز قومی اسمبلی کا اجلاس بلانے کی سمری اس اعتراض کے ساتھ واپس بھیج دی تھی کہ جب تک سنی اتحاد کونسل کو مخصوص نشستوں کی الاٹمنٹ نہیں ہو جاتی تب تک اجلاس نہیں بلایا جا سکتا۔صدر مملکت کے اس اقدام کے بعد یہ خبریں سامنے آئی تھیں کہ قومی اسمبلی سیکریٹریٹ نے ازخود قومی اسمبلی کے اجلاس کا دن 29 فروری مقرر کر لیا ہے۔

ٕ