معرکہ حق، افواج پاکستان سے اظہارِ یکجہتی کے لئے جنوبی افریقہ میں خصوصی تقریب کا انعقادکیا گیا
افواج پاکستان سے اظہار یکجہتی کیلئے تقریب کا اہتمام پاکستان جنوبی افریقہ ایسوسی ایشن کے تعاون سے دارالحکومت پریٹوریا "لوڈیم ” میں کیا گیا،بھارت کے ناپاک عزائم کو خاک میں ملانے پر افواج پاکستا ن کو زبردست خراج تحسین پیش کیا گیا،تقریب میں ایسوسی ایشن کے سابق صدر اور سینئر ممبران سمیت پاکستانی کمیونٹی کی کثیر تعداد نے شرکت کی،شرکاء نے بھارتی فوج کی پاکستان کی شہری آبادی کو نشانہ بنانے پر شدید مذمت کی ، شرکاء نے پاک افواج کوتاریخ ساز فتح حاصل کرنے پر زبردست انداز میں خراج تحسین بھی پیش کیا ، تقریب میں پاکستانی کمیونٹی کا جوش و جذبہ قابل دید تھا ،تقریب کے دوران فضا نعرہ تکبیر ‘اللہ اکبر ‘ اور پاک افواج ‘زندہ باد ‘ کے فلک شگاف نعروں سے گونجتی رہی.
