اہم خبریںپاکستان

’ہماری بہار سیل شروع‘، سپریم کورٹ کی ویب سائٹ پر آفر

3 سال قبل
3 سال قبل

’ہماری بہار سیل شروع‘، سپریم کورٹ کی ویب سائٹ پر آفر نمودار’انصاف کی اسپرنگ سیل کم قیمت پر۔ مزید تفصیلات کے لیے جسٹس نقوی سے رابطہ کریں’
تفصیل کے مطابق پاکستان کی عدالتِ عظمیٰ (سپریم کورٹ آف پاکستان) کی ویب سائٹ مبینہ طور پر ہیک کرلی گئی، تاہم اسے پاپ اپ نوٹی فکیشن میں ایک عارضی مسئلہ بتایا جارہا ہے۔سپریم کورٹ کی ویب سائٹ کھولیں تو عموماً ایک پیغام نظر آتا ہے، جس میں کورونا وائرس سے بچاؤ کیلئے متعلقہ افراد کو عدالت آنے کی ہدایت کی گئی ہے۔

لیکن اس بار یہ پیغام ایک ”سیل آفر“ سے بدل چکا تھا۔
سپریم کورٹ کی ویب سائٹ پر نظر آنے والے اس پیغام میں لکھا گیا ، ”ہماری اسپرنگ (بہار) سیل شروع ہوچکی ہے“۔

یہ مبینہ ہیکنگ یا نوٹی فکیشن کا مسئلہ ایسے وقت میں سامنے آیا ہے، جب حکومت عدالتی اصلاحات کا بل قومی اسمبلی میں پیش کر رہی ہے۔
عدالت عظمیٰ کی ویب سائٹ پر موجود اس پیغام پر سوشل میڈیا صارفین نے کئی طنزیہ ٹوئٹس کئے ہیں۔
ایک صارف نے پوچھا، ”عدلیہ کی اسپرنگ سیل؟“


ایک اور صارف نے پوچھا کہ کیا یہ واقعی ہیک ہوگئی ہے؟
جس پر معروف وکیل سالار خان نے جواب دیا کہ ”مجھے ایسا نہیں لگتا۔ ان کے پاس ایک پاپ اپ ہوتا ہے جو پہلی بار ویب سائٹ کھولنے پر ظاہر ہوتا ہے۔ اس کے ساتھ کچھ مسئلہ لگتا ہے“۔


منصور آفریدی نامی ایک ٹوئٹر صارف نے لکھا، ”انصاف کی اسپرنگ سیل کم قیمت پر۔ مزید تفصیلات کے لیے جسٹس نقوی سے رابطہ کریں“۔


ویب سائٹ پر کھلنے والا یہ پیغام مستقل نہیں ہے، اگر آپ اس میں موجود سبز آئیکون پر کلک کریں تو یہ آپ کو ویب سائٹ کے مرکزی صفحے تک لے جاتا ہے۔

Shares:

مزید خبریں