اسلام آباد کلب آئندہ ماہ سری لنکا اے اور پاکستان کے درمیان 5 میچوں کی ریڈ اور وائٹ بال سیریز کی میزبانی کرے گا-
باغی ٹی وی : پاکستان کرکٹ بورڈ (پی سی بی) نے سری لنکا اے کے دورۂ پاکستان کے وینیو کی تصدیق کردی،بورڈ کی جانب سے جاری کردہ اعلامیے میں تصدیق کی گئی ہے کہ اسلام آباد کلب آئندہ ماہ سری لنکا اے اور پاکستان شاہینز کے درمیان 5 میچوں کی ریڈ اور وائٹ بال سیریز کی میزبانی کرے گا۔
اعلامیے کے مطابق سری لنکا اے کی ٹیم 7 نومبر کو اسلام آباد پہنچے گی اور تین روز کی پریکٹس کے بعد وہ 11 سے 21 نومبر تک دو چار روزہ میچ کھیلے گی اس کے بعد 25، 27 اور 29 نومبر کو 50 اوورز کے 3 ون ڈے میچز کی سیریز کھیلی جائے گی، دونوں چار روزہ میچ صبح ساڑھے 9 بجے شروع ہوں گے جبکہ ون ڈے میچز دوپہر 2 بجے کھیلے جائیں گے۔
بلاول بھٹو ،شہباز شریف سے ملاقات کے لیے وزیر اعظم ہاؤس پہنچ گئے
اعلامیے کے مطابق پی سی بی اپنے نوجوان کرکٹرز کی صلاحیتوں پر توجہ جاری رکھے ہوئے ہے اور 3 ماہ میں اپنی دوسری ہوم سیریز کھیلے گی اگست میں بنگلادیش اے نے اسلام آباد میں دو چار روزہ اور تین ون ڈے میچز کی سیریز کھیلی تھی، اس سال ہوم سیریز کے علاوہ پاکستان شاہینز نے ڈارون آسٹریلیا میں بنگلادیش اے کے خلاف دو چار روزہ میچوں کے علاوہ دو ون ڈے میچز اور پھر ٹاپ اینڈ ٹی20 سیریز میں بھی حصہ لیا تھا۔
